土耳其小城 (萬昌樓) (已結業)

想搵間有其他風格嘅餐廳二人世界，比我男朋友搵到呢間，我哋就梗係即刻去啦🥳去到之後好似去左旅行咁，仲可以影到好多張相。而且餐廳氣氛唔錯，同男朋友去拍拖都好合適🥰係小食方便，我哋叫左鬆化咖喱角同牛油烤餅。咖喱角係10分鬆脆，而且咖喱味濃郁仲要配合埋豆蓉做餡，口感十分豐富。牛油烤餅完全值得一叫，勁香牛油味，如果好鍾意食牛油味嘅朋友，可以用呢一個代替白飯。主食方面，我哋叫左個咖喱克勒雞肉炒飯，濃郁嘅咖喱香味，配上十分嫩滑嘅雞肉。而且分量十足，再加上佢哋嘅特製醬汁，令到我哋食得十分滿意！由於食得太飽嘅關係，所以我哋就叫咗杯茶味濃郁嘅土耳其茶，可以令到我哋有消滯嘅感覺！