影片
更多
2023-01-19
687 瀏覽
🌟 呼吸星球。土瓜灣🌟（10分為滿分：🌕）味道：🌕🌕🌕🌕🌕🌕🌕🌗🌑🌑火灸半熟「極上三角部位」石垣島和牛燒肉定食($268)黎食之前已經知道個份量唔算多，但上枱食落感覺比想像中飽好多，可能因為啲肉既油脂味都好重，所有係有飽肚感😋呢款火灸半熟石垣牛，一放入口就入口即溶，好似雪糕咁熟係口😍😍😍開頭就原味咁食食到牛既原汁原味，食到漏漏地就可以加啲柚子汁就變得好清爽🤫同埋佢個餐都有好多配菜，沙律🥗南瓜🎃麵豉湯，其實一個女仔食係飽，係男仔就會差啲啲🫣京蔥水煎手打鬆軟漢堡扒定食- 50%石垣牛($178)呢款又係一食落有驚喜，平時漢堡扒通常都比較鞋身，但呢個完全係兩回事，食吸係超軟熟，同埋佢用左石垣牛，又係個牛味超重，加埋珍珠米，送飯一流🤤🤤同埋佢個漢堡扒分量都好大舊嫁，所以2個餐黎講，呢個既份量就會抵食啲🤭🤭沖繩海鹽黑糖朱古力($59)呢杯係3杯入面最冇特色，所以我連影都冇影到😂😂因為個樣同橙朱古力一樣，上面多左幾粒鹽，而味道都係普通朱古力😂😂所以唔特別推介了🙈🙈橙酒特濃朱古力($72)呢個係menu上其中一樣好吸引我地既飲品，一入去就覺得好似飲緊一舊橙朱古力，但溶左做一杯朱古力咁🤓🤓一入口係濃濃
（10分為滿分：🌕）
味道：🌕🌕🌕🌕🌕🌕🌕🌗🌑🌑
火灸半熟「極上三角部位」石垣島和牛燒肉定食($268)
黎食之前已經知道個份量唔算多，但上枱食落感覺比想像中飽好多，可能因為啲肉既油脂味都好重，所有係有飽肚感😋呢款火灸半熟石垣牛，一放入口就入口即溶，好似雪糕咁熟係口😍😍😍開頭就原味咁食食到牛既原汁原味，食到漏漏地就可以加啲柚子汁就變得好清爽🤫同埋佢個餐都有好多配菜，沙律🥗南瓜🎃麵豉湯，其實一個女仔食係飽，係男仔就會差啲啲🫣
京蔥水煎手打鬆軟漢堡扒定食- 50%石垣牛($178)
呢款又係一食落有驚喜，平時漢堡扒通常都比較鞋身，但呢個完全係兩回事，食吸係超軟熟，同埋佢用左石垣牛，又係個牛味超重，加埋珍珠米，送飯一流🤤🤤同埋佢個漢堡扒分量都好大舊嫁，所以2個餐黎講，呢個既份量就會抵食啲🤭🤭
沖繩海鹽黑糖朱古力($59)
呢杯係3杯入面最冇特色，所以我連影都冇影到😂😂因為個樣同橙朱古力一樣，上面多左幾粒鹽，而味道都係普通朱古力😂😂所以唔特別推介了🙈🙈
橙酒特濃朱古力($72)
呢個係menu上其中一樣好吸引我地既飲品，一入去就覺得好似飲緊一舊橙朱古力，但溶左做一杯朱古力咁🤓🤓一入口係濃濃既橙香味，然後會到好濃既酒香滲出黎😋😋整體甜度適中，Rich得黎又唔會太漏，三杯入面最推薦既一杯😎👍🏻
海王星-薑拿鐵($53)
個杯一上枱真係靚到嘩一聲，可以拎住佢影好多張相都得，不過呢個飲落就有啲啲失望，因為唔算好飲到薑既味道，Latte味道就中規中矩喇，如果薑味再出黎會開心啲😉😉
價錢：🌕🌕🌕🌕🌕🌑🌑🌑🌑🌑
老實講，初初見到個價錢就真係覺得貴既，不過難得同朋友夾到時間一齊去食下野影下相，就豪一次都冇咩所謂😎佢最低消費其實係一杯飲品，所以如果你想去打卡chill下又唔想咁貴，都可以淨係叫飲品，或者女仔叫一個餐share，豐儉由人喇🤪🤪
交通：🌕🌕🌕🌕🌕🌗🌑🌑🌑🌑
佢係翔龍灣商場旁邊既街仔，其實個個位置我真係未去過，有啲隔涉，我同朋友係係紅磡做完野行過去行左半個鐘😂😂😂但附近都有土瓜灣地鐵站/唔周巴士路線，大家去之前search定點去喇😝😝
環境/服務：🌕🌕🌕🌕🌕🌕🌕🌕🌕🌑
呢間餐其中一個特色就係佢入面既設計，好多懷舊特色既擺設，每樣野都會想令你慢慢睇下，無論枱，吊飾，掛飾，甚至乎餐具都好特別😍😍當日去到唔算太多人，你入到去就會覺得成個時間停頓左咁，成個人唔會好急，香港人幾時先知可以改下樣樣野都要急既習慣😤😤
性價比：🌕🌕🌕🌕🌕🌗🌑🌑🌑🌑
呢間餐廳係有特色既，食物環境都係特別，不過因為我去之前睇openrice睇左啲差評，個expectation唔算好高，所以最後覺得其實食物質素係有驚喜既，不過始終單價比較貴，所以都係食完一次享受過就可以🙈🙈但鍾意打卡既女仔黎講，呢間餐廳都係一個好選擇🤩🤩
張貼
