鮮燒 • 酒屋

營業中

休息中

收工同朋友諗住搵個地方食少少嘢，見到門口寫住9蚊串串燒，同埋埋單有8折優惠，被吸引咗入去。精選五點刺身有牡蠣、三文魚、帶子、赤貝、赤蝦，呢碟嘢都唔使$200，但係所有嘅刺身都好新鮮，加埋來自日本嘅大大牡蠣，絕對令到呢個晚餐變得更加豐富。燒波士頓龍蝦$58就可以食到半隻厚肉嘅波士頓龍蝦，算性價比好高。芝士煙肉明太子撈烏冬＄98 有芝士、煙肉、明太子三種都係好吸引嘅食物，烏冬用上呢三種食材，鹹香、惹味、滋味結合一齊，口感Creamy配上煙靭烏冬，真心無人會唔鐘意囉。