潮．悅 (始創中心)

營業中

休息中

上星期日接受某團體邀請出席晚宴，位於太子始創中心一間中式酒樓，個人感覺酒樓在商場4樓指示欠缺清晰，雖要花一點時間查找，酒樓裝修新地方光鮮感覺唔錯。乳豬全體皮好香脆，豬比較肥中間一層脂肪，味道唔錯。波士頓龍蝦伊麵超級大碟，龍蝦鋪滿碟面，細心看龍蝦應該比較細隻， 殼多個肉但新鮮的，伊麵多到食唔晒。蝦多士比較新式餸菜，大大隻蝦爽口，蝦味偏淡，面包炸得酥脆。螺頭燉雞湯真正成隻全雞，湯水濃郁清甜。酒樓出品味道都不錯，份量就真係好豐富。