Cinnabon (奧海城2期) (已結業)

2014年去加拿大探親人，一個悶到發顛既旅程，記得當時表妹帶咗我出去行下既時候食過佢，仲一次過買咗9個中size既返去，食咗幾日好開心。幾年前見到香港竟然有，味道同當年一樣，每次食都勾起當時既回憶，希望佢哋可以繼續留係香港。見過其它幾間公司都有類似產品，但都無白色既糖漿，糖漿係重點，好邪惡，但真係好夾好好味，如果唔食糖漿不如唔好食，失色太多。