洪記海鮮酒樓

營業中

休息中

明天就要飛啦，有幾日食唔到香港野，相公提議不如去西貢食海鮮餐，當然舉腳贊成。我同相公去西貢食通常揀套餐食，貪價錢穩定，唔會係海鮮價。平時食開金輝，今次諗住試下其他。係西貢行左一圈，唔再試米芝蓮全記，菜式雖然精緻但份量少唔夠食就試左呢間，居然有驚喜。首先講明免加一但唔包茶芥，茶芥每人15蚊，是有點貴。再看白飯價錢，每位又係15蚊，好貴。為了有飽肚感，於是要左份大蝦伊麵。如果你係好鍾意食芝士咁你一定會話正，因為芝士汁實在過多，不是水汪汪的，但我嫌佢過多啦，似芝士蝦湯麵多d，不過蝦係大隻又新鮮的。我地以為蟶子是幾隻細細隻，無諗過每人一大隻，炒得惹味，好耐無食過蟶子皇，好好食。d汁撈飯一流，可惜飯太貴另一個喜出望外菜式就係蒜蓉粉絲蒸元貝，元貝又係大大隻，好滿足薑葱炒蟹都好好食，蟹肉鮮甜，如果呢隻蟹可以大隻d就perfect啦時菜係送的，我們request菜芯，侍應姐姐話如果有就俾呢款菜我地啦，否則廚房自己話事。來的果然是菜芯，份量都ok足夠。Good!最後侍應送上切開的生果橙。呢餐好滿足。