影片
更多
2024-07-26
720 瀏覽
今日經朋友介紹，兩個人去咗一間中式私房菜餐廳，叫做御膳，個名都犀利過人👍🏻🤣 其實我一直以來都覺得私房菜對我遙不可及，一嚟好似好高級，二來本人比較毒冇乜朋友😂感覺要好多人去食或者同長輩先會去食私房菜。點知原來朋友話我知，兩個人其實都可以食，真係長知識🤩🙈 呢間餐廳都真係每一道食嘅菜式都好出色！絕對值得大大宣傳 （雖然都好似好full了😳🙈）🫶首先都講吓私房菜嘅運作模式。👉朋友喺社交平台搵佢哋contact 👉 WhatsApp佢哋book枱 (其實社交平台都可以)👉 然後佢哋就會send菜單俾我地👉 自訂我哋想要嘅菜式，好有彈性👍🏻👉 傾好佢就會俾返個價錢我哋，按人頭收費，唔收+1 (👈 好驚訝😱原來連切餅費、開瓶費都唔收，淨係收$4茶錢😳😳所以過嚟慶祝，朋友聚會都好啱） 👉 okay就可以等個日去食飯飯🤟🏻😎 雖然佢都可以即場入座，但係我自己都會建議訂咗位先，咁就確保食到想食嘅菜式，同埋有位👍🏻Walk in可能冇位，亦都有好多嘢可能冇材料就食唔到🥹店家都好友善，傾談過程都好舒服，亦都感受到佢哋對食材嘅用心，同埋都有唔少嘅建議可以就住客人而調動，例如份量☺️環境方面，呢間私房菜有啲特別
呢間餐廳都真係每一道食嘅菜式都好出色！絕對值得大大宣傳 （雖然都好似好full了😳🙈）🫶
首先都講吓私房菜嘅運作模式。
👉朋友喺社交平台搵佢哋contact
👉 WhatsApp佢哋book枱 (其實社交平台都可以)
👉 然後佢哋就會send菜單俾我地
👉 自訂我哋想要嘅菜式，好有彈性👍🏻
👉 傾好佢就會俾返個價錢我哋，按人頭收費，唔收+1 (👈 好驚訝😱原來連切餅費、開瓶費都唔收，淨係收$4茶錢😳😳所以過嚟慶祝，朋友聚會都好啱）
👉 okay就可以等個日去食飯飯🤟🏻😎
雖然佢都可以即場入座，但係我自己都會建議訂咗位先，咁就確保食到想食嘅菜式，同埋有位👍🏻Walk in可能冇位，亦都有好多嘢可能冇材料就食唔到🥹
店家都好友善，傾談過程都好舒服，亦都感受到佢哋對食材嘅用心，同埋都有唔少嘅建議可以就住客人而調動，例如份量☺️
環境方面，呢間私房菜有啲特別，佢喺觀塘工廈入邊，近麗港城公園嗰邊，不過APM行過去都算近。大家就唔好俾工廈嘅氣氛嚇親😂上到去雖然去到門口都會覺得平平無奇，同埋唔算好華麗🙈🤣 入到去都似係酒樓嘅格局，不過容納嘅人數就可能6-7枱圓枱左右 (有大枱&細枱)，所以其實私隱度都幾高，同埋唔會太嘈吵 (唔知仲有冇另一間房，但我坐個邊係大概呢個size )🙆🏼♀️
介紹下個日食左咩先：
醬香茅台滷乳鴿1隻
25 瀏覽
0 讚好
0 留言
16 瀏覽
0 讚好
0 留言
招牌極黑豬叉燒1份（即叫即燒）
8 瀏覽
0 讚好
0 留言
呢個係用左西班牙黑毛豬，離遠已經聞到佢超香！叉燒表面燒到焦糖色，肉質肥而不膩，好有咬勁，唔柴，好juicy，好快就ko曬🫣
冬瓜瑤柱海鮮羹
2 瀏覽
0 讚好
0 留言
如你所見超大煲同足料！重申，所有野都係兩人份 (三人份已經係砂鍋size )😂 冬瓜清甜爽口，海鮮鮮甜，羹湯濃郁但唔膩，味道比前兩道菜清啲，岩岩好可以解食肉既濃味，入口細滑順口，就算好多我地都飲晒😋
避風塘炒大肉蟹1隻
14 瀏覽
0 讚好
0 留言
大肉蟹肉質飽滿，鮮甜多汁又厚肉。大廚應該有幫手剝左少少殼，令我地好容易就食到👏🏻 避風塘風味亦都好惹味，令蟹肉有少少辣，但又唔會搶咗蟹本身嘅香味，好入味呀！記得要趁熱食呢🙂↕️
士多啤梨骨
3 瀏覽
0 讚好
0 留言
我同朋友都冇食過，但見到係招牌菜，所以都點咗🙊第一啖食落去，真係有士多啤梨醬嘅味道，我原本覺得有啲偏甜，但係再咬多啖之後，慢慢地排骨嘅肉香味就開始出嚟，幾特別😆 排骨既肉都好嫩，唔難咬，比一般咕嚕排骨更加好食🥰
金銀蒜蒸龍躉腩
4 瀏覽
0 讚好
0 留言
龍躉肉質細嫩彈牙🤤蒜香四溢，入口鮮嫩多汁，粉絲亦都吸晒醬汁嘅香甜味，正🫡
蒜蓉炒時菜
2 瀏覽
0 讚好
0 留言
西蘭花爽口，好入味，清清地，幾好☺️
招牌御膳炒飯
0 瀏覽
0 讚好
0 留言
介紹吓我朋友先，佢係一個鍾意食麵多過飯嘅人，然後！佢竟然食左碗炒飯，仲話佢今晚食咗佢一年嘅飯量🤣🤣 大家可以想像有幾好食😝
的確個炒飯真係粒粒分明，有海鮮有肉亦有菜，大雜燴咁，好豐盛！味道都好出色🫰
甜品 - 抹茶奶凍 (附送)
21 瀏覽
0 讚好
0 留言
抹茶味好濃郁，奶凍都好q彈，鍾意抹茶嘅一定要食！甜品由師傅決定，不過問過暫時都係抹茶奶凍😚
最後見到門口黐住一個寫住日文魔法xXx嘅貼紙，多口問吓店佢哋呢個係咩意思🫣 佢哋話原來呢個係日本電視台既人扮客人，食勻全香港私房菜，然後就揀咗御膳拍左一個特輯，估唔到日本人都咁識貨，睇得出御膳真係好有料子。令我對佢哋更加有信心，一定會再encore 😍 雖然食得好飽，但係都真係好滿足，又可以同到朋友聚聚，真係好開心嘅一晚🫶
結論
🫰味道出色
🫰免+1、切餅費、開瓶費
🫰依家訂座有小食送呀！
記得book🤓
有機會要等啲時間，因為師傅即叫即炒，所以起得菜記得同佢地講，俾啲耐性😝
好味度：10/10
回頭度：9.5/10 (有日子要慶祝再黎😎)
餐廳資料
餐廳名稱：御膳
餐廳地址：觀塘敬業街65-67號敬運工業大廈12樓F室
營業時間：星期二至日 17:30-22:30；星期一休息
張貼
