影片
更多
2020-10-11
177 瀏覽
今年自己都好鍾意食台式火鍋，食過臭臭、無老鍋...朋友堅持要去試一試銅鑼灣嘅「牛大人」，要預早一個月訂位，我仲諗住係普通嘅火鍋埔一試無妨，Walk In 等左15分鐘唔夠有位，仲要2個鐘唔夠食。一般人食火鍋一定係睇有啲咩靚料，話得台灣嚟嘅，一定走唔甩鴨血同埋新鮮嘅台灣食材，一走埋個凍櫃，除咗新鮮嘅蔬菜，仲有好多唔同嘅丸類，樣樣睇落都非常新鮮，唔會雪到死實實， 不過可惜嘅係今日都係食唔到台灣嘅水蓮，佢哋話賣曬。睇完個凍櫃，見到有王子麵，見到好多台灣特色調味料，都非常滿意，但係最開心嘅係，係佢哋嘅冷泡茶，除咗有桂花烏龍、菊花普洱， 最好飲嘅係白桃烏龍，個樽好靚，味道一啲都唔甜，好有茶香，仲有紫背天葵茶酸酸甜甜好開胃。我唔食牛嘅，咁去到「牛大人」會唔會好大獲呢？一啲都唔會，因為佢哋嘅豬、醉雞同埋海鮮都令人眼前一亮，不得不提佢哋嘅脆鱔非常新鮮，海鮮非常新鮮一啲血腥味都冇，食落夠夠爽口彈牙，有圖有真相，嚇死你。嗰個海膽丸亦都係非常唔錯，亦都有台灣腸，煎午餐肉、珍珠奶茶、肉燥飯畀你揀，包你食到飽。佢哋嘅牛肉都係一塊塊非常之靚，佢哋有麻辣湯底，就算少辣都唔會辣到喉嚨痛，非常惹味，舊嚮玲仲要係脆㗎、係
一般人食火鍋一定係睇有啲咩靚料，話得台灣嚟嘅，一定走唔甩鴨血同埋新鮮嘅台灣食材，一走埋個凍櫃，除咗新鮮嘅蔬菜，仲有好多唔同嘅丸類，樣樣睇落都非常新鮮，唔會雪到死實實， 不過可惜嘅係今日都係食唔到台灣嘅水蓮，佢哋話賣曬。
睇完個凍櫃，見到有王子麵，見到好多台灣特色調味料，都非常滿意，但係最開心嘅係，係佢哋嘅冷泡茶，除咗有桂花烏龍、菊花普洱， 最好飲嘅係白桃烏龍，個樽好靚，味道一啲都唔甜，好有茶香，仲有紫背天葵茶酸酸甜甜好開胃。
我唔食牛嘅，咁去到「牛大人」會唔會好大獲呢？一啲都唔會，因為佢哋嘅豬、醉雞同埋海鮮都令人眼前一亮，不得不提佢哋嘅脆鱔非常新鮮，海鮮非常新鮮一啲血腥味都冇，食落夠夠爽口彈牙，有圖有真相，嚇死你。
嗰個海膽丸亦都係非常唔錯，亦都有台灣腸，煎午餐肉、珍珠奶茶、肉燥飯畀你揀，包你食到飽。
佢哋嘅牛肉都係一塊塊非常之靚，佢哋有麻辣湯底，就算少辣都唔會辣到喉嚨痛，非常惹味，舊嚮玲仲要係脆㗎、係脆㗎、係脆㗎，好重要，所以要講三次。
佢哋出菜嘅速度非常合適，亦冇漏單。我亦冇收到佢廣告費，我只係覺得過江龍一定有佢過人之處，如果唔係就聽執㗎啦。
二百八十蚊嘅價錢真係食到飽，食到兩個鐘頭都唔夠食，食到職員同我哋講你攞埋個雪糕出去食啦，冇辦法。
但係我哋都覺得非常滿足，因為真係又坐低到食完都係非常滿足。
質素好好，我亦都唔想講太多啦，大家睇圖啦，誠意推介，非常之好。
牛大大，絕對有下次。
鴨血
$288
2 瀏覽
0 讚好
0 留言
張貼
