餃掂手工餃子雲吞專門店

好耐無食餃子啦，湯餃、蒸餃我都愛食，今晚同朋友去銅鑼灣食晚餐，位於銅鑼灣景隆街19號地舖 -【餃掂】。🍽枱上放咗一樽好吸引我目光既新鮮酸蘿蔔，呢樽酸蘿蔔酸味味，食咗仲勁開胃，切到大大舊，又爽口又好食，做前菜一流。🐖元貝豬肉餃 (湯餃子跟配狀元九鼎湯) $49 / 7只元貝豬肉餃 - 餃子內有一絲絲既元貝，仲好鮮味，足料既豬肉，餃子皮簿。配狀元九鼎湯絕無味精，用咗粉葛、順德活鯪魚、🥕紅蘿蔔、扁豆、赤小豆製作成，味道清甜又有益健康。🍄龍鳳松茸雙煎餃 (黑松露及白松露) $86 / 8只餐店招牌餃子之一，龍鳳松茸分別有2款餃子：黑松露4只及白松露4只。兩款都有獨特既松露味，黑松露味道比較突出，香濃既松茸味，令人食到回味無窮。🧀香煎軟心芝士餃 (煎餃子) $55 / 7只餃子有粟米🌽、芝士🧀及豬肉🐖，餡料好足料，芝士軟滑，香甜粟米，外皮煎得香脆。🥚麻辣松花皮蛋 $25帶有麻辣既皮蛋夠哂惹味，每件都切到大大件，仲好好食。🍋蜂蜜檸檬薏米水 $20 / 杯配上有🐝蜂蜜既檸檬🍋薏米水，有少許甜甜地，仲要大大杯，暖笠笠。