稻成 (新城市廣場一期)

營業中

休息中

之前響圓方商場食過一次酸菜魚，覺得唔錯，今日經過沙田見到有一間係食酸菜魚嘅店舖，於是同朋友一行四人進去嘗試一下，我哋四人一入去，所有店員都非常之有禮貌同我哋講「歡迎光臨」😀，坐低之後，覺得以綠色植物為主題的裝修，俾人一種好舒服嘅感覺👍,食物方面，我哋點咗干鍋大蝦田雞,裏面配上萵筍同蓮藕片，辣同麻就唔會變得太濃😋😋，水煮鮮鱸魚，一上檯，麻香味撲鼻而來，簡直讓我哋立即忍唔住要食，裏面配咗紫薯粉，花生芽同雲耳，真係十分之足料👍👍，稻成王鴿，好味😋，平時食都要沾啲淮鹽或者喼汁，而依家根本唔需要沾醬料，因為已經夠晒味道，😀，風沙小黃魚，皮香肉嫩😋😋😋桂花蜜汁火腿配夾包，呢個唔講啦，留翻比你哋去評論啦，總之一個字，正👍👍👍，整體黎講，我哋對此店評語，食物質數高，環境整潔，服務員待客熱情，有禮，是一間值得推介比其他人光顧的餐廳。