小魚兒 (金馬大廈)

營業中

休息中

川菜之前食過小魚兒嘅串燒川菜，覺得好好食，今日去左佢尖沙咀分店試埋佢地嘅烤魚，結果都係勁高質。我哋叫咗招牌嘅海鱸魚$308，魚真係大條得嚟又厚又實，肉質嫩滑得嚟又夠鮮，每啖都好有口感，真係停唔到口。佢哋仲有好多口味揀，我哋揀咗鮮花椒BB豆花，仲可以自由調節辣度同麻度，完全可以迎合唔同人口味，幾貼心。除咗烤魚，我哋仲加咗滑牛肉$88、金菇$36同米線$28。牛肉份量多到嚇人，嫩滑到好似喺入口融化咁，金菇同米線吸晒烤魚嘅湯汁，勁入味又正。而且條魚本身啲配菜已經夠豐富，加埋呢啲真係完美。兩個人食咁樣已經夠飽到瞓低，埋單每人只係二百幾蚊，食得飽又食得好。