鼎泰豐

營業中

休息中

以往每次去台灣都會食鼎泰豐，但因為疫情嘅關係已經差唔多成兩年冇去過台灣，最近又特別掛住鼎泰豐嘅紅油抄手。所以即刻同朋友相聚喺鼎泰豐見面，銅鑼灣呢一間鼎泰豐嘅座位都幾舒服，唔算好迫。同埋當晚都見到好多外國人喺餐廳入邊食嘢，睇嚟外國人都好鍾意食小籠包😂😂一場嚟到當然要叫招牌小籠包同埋心掛掛嘅紅油抄手！但因為驚唔夠飽所以我哋叫多一個炒飯，炒飯都好有驚喜，入邊有好多蛋同埋啲飯係粒粒分明嘅。最後臨走之前見到有一款芋泥小籠包好特別，就叫咗嚟試一試，味道都唔錯，可以當甜品。