雲南風味過橋小鍋米綫 (已結業)

廿幾歲仔，但米線呢樣野其實都只係十一年前先第一次食，跟住果年真係差唔多日日早餐都係食佢，不過之後就好似無再食過，深水保區下午食飯時間總係好難搵倒位食野，咁o岩見呢度有位就就黎回味下米線呢樣食物，首先有唔辣/酸辣/麻辣米線選擇，因為喉嚨痛好返無耐所以要唔辣，料就要返最鍾意食既豬大腸，再加雲吞同埋牛展。剩係湯底都幾足料，有牙菜+ 酸梅菜+ 蔥絲，食落酸酸地咁，米線亦都好味，不過d料就幾普通，豬大腸無乜特別，雲吞亦係，牛展直頭覺得算係比較差，加多杯凍檸茶二十七蚊其實唔算太抵姐。