唯一麵家

營業中

休息中

每日放工經過葵涌廣場都見到唯一麵家店內人山人海，得知呢間店經營多年，仍然屹立不倒，食物一定有番咁上下質素，而且價錢唔算貴，就入去食個下午茶，餐牌選擇多，菜飯、客飯、炒年糕、湯麵、小食等等……小食點咗個北京餡餅，外皮夠薄，韭菜豬肉餡夠多，肉汁豐富，味道夠濃郁。重點推介係四川擔擔麵，大大碗足夠兩個人食，湯底有大量肉碎花生同麻醬，每一啖都食到附上麻醬嘅麵條，湯底夠濃郁，麵條煮得夠爽滑。飲品點咗個凍豆漿，可惜唔夠味道，有待改善。下次會再嚟試下其他食物。