豪門小菜火鍋

營業中

休息中

一年前食過有驚喜，再次光臨估唔到嚴重失望而回，唔知係咪換咗老細。龍蝦伊面得兩三嚿細碎龍蝦肉，大部分都係殼同爪，芝士醬就有一大盤，但煮得濃稠芝士味欠奉。 所謂聖子王，祇有外面普通聖子size，而且唔係完整一隻，散碎碎的。椒鹽鮮魷只得一層外層脆皮，內裏魷魚只得一小片，如食空氣一樣，酥炸皮亦冇味。酥炸生蠔細細隻冇蠔味，賣相亦差。唯一瑤柱蛋白炒米叫做可以一吃，但份量太細。難怪星期六晚市都可以walk in就有枱。