豪門小菜火鍋

營業中

休息中

諗起九龍城唔一定只係得泰國菜想食鑊氣小炒亦都唔一定只有廟街九龍城衙前塱道、宋皇臺站B3出口行兩分鐘轉角就黎到呢間中菜館(推～！)全場目測一律食廣東鑊氣小炒！每道菜式價錢超級貼地兼且無加一服務費茶芥、抵食到癲叫得抵食唔係只講價錢啦碟碟都份量夠哂多又有鑊氣呢間廣東小炒都算係私心推介望大家多多幫襯～等佢繼續做落去～♡ .ᐟ.ᐟ .𖥧𖧧 芝麻炸子雞 $198/半隻必點呀！正過喺平時中式酒樓order嘅炸子雞雞皮炸得超香脆忍唔住清哂肉質更加唔使講嫩滑得來有雞味之餘仲好多汁配埋黑白芝麻賣相更加靚 ♡♡（注意而家出面食飯真係唔一定有雞味咖）.𖥧𖧧 菠蘿炸大腸 $118份量可謂不計成本第一大腸洗得乾淨好重要事前功夫準備充足兼衛生第二炸得香脆又唔油膩～配搭啤酒一流.𖥧𖧧 人生之路（咕嚕苦瓜） $88呢個又俾佢諗到喎咕嚕帶甜酸、加埋紅椒取其辣度苦瓜自然就係苦既代表一齊食百感交集～創意之作👍🏼💯.𖥧𖧧 椒鹽粟米 $88 細心之處來自每件粟米🌽大小非常適中粟米自帶甜味～能夠同椒鹽味配合得天衣無縫份量同樣值得稱讚.𖥧𖧧 千島醬蝦球 $148驚喜係有西蘭花墊底～仲有賣相㗎蝦球件件大大隻新鮮爽口千島醬份量啱啱好食落

去九龍城唔一定要食泰菜今日等史努比介紹間大件夾抵食嘅港式小菜~懶人包📝食物款式多 而且大部份都唔錯雖然稱唔想話好正 但史努比試咗咁多款都冇話覺得伏 係偏油咗啲 不過呢個價錢ok收貨嘅😚嗌牆上面寫住嘅招牌菜都應該冇死架啦🤣加上佢唔使加一 食得舒服 好啱同一大班frd gathering或者同長輩食飯~個人覺得一試無妨😚🔥推薦芝士龍蝦伊麵👍🏿芝士龍蝦伊麵 $490份量好足😳4個人淨係食佢都夠飽😂芝士汁爆晒棚 仲要味道濃郁食落都幾黏口🤣同埋夠creamy 伊麵有𡁻口 唔會煮到淋晒要挑剔嘅係略嫌油咗啲啲🤏🏿龍蝦實肉彈牙 食到有少少甜味 正常發揮味道: 8/10性價比: 7.5/10👍🏿蟶子生菜包 $168都幾辣下 但真係好惹味🤣蟶子份量唔算特別多 有幾條完整嘅 有啲就剪碎咗撈埋免治豬肉去炒豬肉好淋 有油香食落味道幾香 有乾蔥增加口感不過如果冇芫荽就更加好😂同埋都係油咗少少 但包生菜就啱晒啦🤪味道: 7.5/10性價比: 7/10👍🏿豪門卷(8件) $98係炸包包住蝦咁樣 中間仲有啲蔥食落脆得來嚟帶啲煙靭 擺耐咗都唔會淋晒🤣👍🏿蝦就普通啦 包住啲蔥有香味另外配咗泰式甜辣醬 不過史努比覺得唔點好食

-豪門小菜火鍋 🍲天氣一轉涼就想去食大排檔食鑊氣小炒同羊腩煲位於九龍城衙前圍道有間好地道小炒店除左有手工家常菜之外 亦會有新派菜式 仲幾有驚喜!而且價錢親民貼地 無加一服務費同茶芥 份量好充足🐑羊腩煲 ($988/4-6人份)選用本地牛腩 大大舊 口感香腍爽口仲好入味 無乜味精 可以連湯都好飲 唔口渴 連埋其他配料如枝竹/ 脆嫩冬筍 / 爽口馬蹄 / 慈姑 / 腐皮 / 生菜再點埋檸檬草腐乳 個醬汁真心出色 大滿足!🐣雲吞雞煲翅 ($388)份量豐富 約有半隻鮮雞件 夠晒4個人食 肉質嫩滑肥美另外湯頭仲好濃郁 帶有啖啖奶香味仲有粒粒足料爆餡雲吞 食完夠晒暖胃✨🦞四式芝士西澳龍蝦伊麵 ($480/3-4位用）傳統芝士焗龍蝦伊麵既做法 並選用西澳龍蝦肉質飽滿細嫩 口感滑脆彈牙 加上配搭3種芝士同牛油特製成濃稠醬汁 連埋伊麵一齊食 掛汁得黎又帶點鹹香味🦐胡椒蝦 ($138)蝦肉隻隻都好大隻又新鮮 胡椒味夠多 岩晒重口味人士!🐟薑蔥爆鱔球 ($148)選用肥美白鱔 肉質彈牙 用薑葱爆炒 食落香口惹味🐟順德焗魚腸 ($88)焗魚腸都係第一次食 食落有d似蒸水蛋整體焗得幾乾身 所以魚味相當之重 如

九龍城美食林立，最近就在一個幾具風味既地方開餐，叫做豪門小菜火鍋。幾個為食鬼，呢樣又想食嗰樣又想食，卻遠遠低估了呢度食物份量之大 (定高估了自己的食力?)，雖然已拼命地吃，最終仍好多嘢需要打包。小食的自家製豪門卷，相信是招牌了吧，麵包糠皮包裹著蝦膠及墨魚膠，香脆彈牙，層次豐富,有少少似蝦多士的影子。生菜包食過唔少，多數都係肉碎配點點辣椒就是，加入埋必粒蟶子都係第一次，又幾好，沒有畫蛇添足既感覺。點的半條豉汁蒸大鱔，還以為來錯了原條，好在水準夠高，新鮮彈牙又惹味，是全晚我最喜歡的菜式。半隻的秘製碌鵝，份量又係唔講得笑，趁熱呼呼吃一件，肉質緊致，好香口，底下仲有唔少粉嫩既芋頭，千萬不要錯過。芝士龍蝦伊麵上枱，巨得令大家目瞪口呆。好新鮮的龍蝦肉，鮮甜爽彈的，芝士撈伊麵呢啲邪惡嘢，其實真係無乜可能抗拒。但如果你係怕太漏既話，佢仲有上湯選擇。來這類地方，就算食菜都要揀些香口惹味的，吃小炒皇一定錯不了。雖則小炒皇的食材大同小異，不過每間店總有自己的特色與風味，呢度起碼夠香口，鐵膽的韭菜花、蝦乾及腰果也在陣，大大啖來一口，加枝啤酒，滿滿香港特色。

宋皇臺自從起左地鐵站之後方便左好多, 我間唔中都會嚟搵好野食, 今晚嚟到呢間好多人大推豪門小菜食飯, 餐廳未夠1900已經坐滿哂人, 每枱都叫左唔少野食, 相當熱鬧! 餐牌上有多款小菜, 樣樣都想試, 今次試唔到唯有下次再同屋企人嚟!✨️花膠魚翅燉雞 超足料嘅燉湯, 鮮味滋補, 咁岩當日天氣凍凍地好暖胃✨️冰鎮鮑魚 鮑魚本身已經好入味, 口感鮮爽彈牙, 可惜當日已經賣得7788, 想再叫已經無哂了, 想食記得要早d落定單先啊✨️蒜蓉粉絲蒸大扇貝扇貝大大隻, 超完整又厚肉, 上面鋪滿蒜蓉同粉絲, 超好味!!✨️豉椒炒蟶子王 超愛食蟶子王, 口感爽彈鮮甜, 加上惹味嘅豉椒汁, 令人食指大動✨️潮式秘製螄蚶 螄蚶咁耐以嚟都係食過兩三次, 第一次知道用鉗食, 店員好好咁示範比我地睇點樣開殼, 食落超鮮無異味, 送酒一流✨️啫啫芥蘭 食左咁多海鮮, 係要食番d煲仔菜, 一上枱香噴噴, 芥蘭鮮香爽脆, 加碗白飯正呀!✨️上湯龍蝦伊麵超大盤嘅龍蝦伊麵, 每年龍蝦肉爽彈入味, 伊麵掛上上湯汁, 好味又滿足

九龍城除咗食泰菜🇹🇭呢間地道小炒 都好高人氣❤️‍🔥.📌芝士龍蝦伊麵 $490嚟到必食超震撼龍蝦伊麵🤩滿滿金黃芝士醬 濃稠度剛好 鹹香濃郁唔過膩🧀選用澳洲龍蝦 勁大隻厚肉 爽彈有鮮味🦞伊麵軟硬適中 沾滿醬汁 creamy香滑🍜超足料大份 3-4個人都夠食🙌🏻.📌黃金鮮魷 $158炸皮好薄脆 但偏油 唔夠乾身👀魷魚幾厚肉 爽嫩唔過韌 啖啖鮮味🦑畫龍點睛係拌以鹹蛋黃 濃郁鹹香 惹味香口🥚.📌鮮果咕嚕肉 $128咕嚕肉炸得勁酥脆 充滿油香鑊氣🔥肉質唔算太乾鞋 但嫩滑啲就更好🐷醬汁酸酸甜甜 好開胃🧡再加埋三色椒同菠蘿 更清新解膩🫑🍍.📌鮮茄豆漿浸時菜 $108揀左西蘭花 爽脆清甜🥦豆漿湯+腐皮 豆香味同菜好夾🤍野菌有走油 爽嫩香口🍄‍🟫仲配有蕃茄, 紅蘿蔔同西芹 夠晒清新健康🍅🥕🌱.如欲查看相關食物相片 可查閱本人已上傳之影片🎦

✦ 芝士龍蝦伊麵重量級芝士龍蝦伊麵龍蝦肉鮮甜彈牙，啖啖肉掛上芝士汁，好邪惡！伊麵底份量足，每條麵又可以掛滿芝士汁又吸收龍蝦汁精華，食落好滋味😛✦ 黃金鮮魷炸得十分香脆，鹹香的鹹蛋黃醬配爽脆彈牙的魷魚，好食到停不了🤩✦ 豪門卷自家獨創豪門卷，以港式多士為靈感，用油條釀入墨魚膠，再灑上芝麻，入口脆炸爽口特式小食之一😆✦ 啫啫通菜十分有穫氣的啫啫通菜煲！每一啖沾上鹹肉碎，帶點微辣，味道相當惹味😋具有大排檔風味

屹立九龍城嘅經典小菜館基本上好多款式都好齊全除左小菜外仲有各款海鮮星期日晚上人流滿滿而且充滿人情味芝士龍蝦伊麵龍蝦好新鮮 肉質爽口彈牙配上濃稠芝士令味道更濃郁最後當然唔少得龍蝦嘅最佳拍擋-伊麵伊麵煙韌登唔會煮得過軟爛完美地索晒龍蝦同芝士汁精華蜆肉生菜包蜆肉用上潮州菜常見嘅薄殼製作再配北九層塔。洋蔥。肉碎令口感充滿層次 味道鹹香惹味人生之路將人生嘅酸。苦。甜構思成菜式以經典咕嚕肉變成咕嚕苦瓜炸漿薄脆 酸酸甜甜嘅咕嚕醬汁好開胃苦瓜唔苦澀味帶甘 本身怕食苦瓜嘅我都完全無問題三層脆豆腐自家製蠢層脆豆腐係豆腐面層鋪上臭草碎後蒸完再炸最後係底加上時蔬。甘筍條。雜菇及打上芡汁豆腐外脆內綿又嫩滑 豆腐味幾濃椒鹽通菜夏天限定菜式 炸得香脆鹹香外層炸漿薄而且唔油膩內裏通菜莖爽脆清甜

早有耳聞九龍城的豪門小菜火鍋✨平日晚市到訪全場爆滿，相當人氣呀💥店內陳設地道具香港特色🍥自家製豪門卷蝦多士之變奏😚脆軟兼備得多士卷住彈牙蝦肉🦐沾少許酸辣醬，開胃又好味多士即使在凍咗之後都依然酥脆😍🦞芝士龍蝦伊麵超大份！😲 幾乎每枱必點濃厚芝士包覆啖啖龍蝦肉及伊麵邪惡又討喜，大大力薦👍🧄蒜茸粉絲蒸蟶子皇新鮮蟶子皇原條上，肉質爽彈軟熟盡吸蒜蓉及豉油香氣搭配粉絲、蒜粒、香蔥及芫茜🤤 無得輸💖🥬腐乳炒通菜豪門的小炒亦很出色腐乳配通菜的經典組合，非常有鑊氣😝是家中難以做到的美味😋椒鹽通菜店家推薦的椒鹽系列，好特別🔥通菜脆卜卜，椒鹽炸蒜十分惹味下酒一流！😎🍻此椒鹽系列還有粟米和茄子都不妨一試😙

已經食左第二次，今次決定寫返食評，因為覺得性價比幾高。今次五個人食，所以可以點多啲菜式，上次無試佢個啲燉湯今次可以點幾個。呢到既蠔仔粥好抵食，好大碗，仲足料呀。佢個花膠魚翅雞燉湯好清，都有好幾舊既花膠～骨膠原滿滿。呢個避風塘既栗米點必架，因為佢啲蒜粒可以撈飯，超濃，好有避風塘既口味～～呢個豪門卷好特別，都建議必點，因為裡面包住蝦膠又好鬆脆，好正。豉油皇蝦又係做得好出色，隻隻蝦都好想食埋個外殻，因為沾滿哂個汁～～啫啫通菜煲一個唔夠食，魚香味好濃郁～又係配飯一流呀

平日夜晚黎，全場爆滿❗️❗️去左樓上坐兩個人黎食，先叫一窩芝士龍蝦伊面😍真係好大份，份量夠4個人黎食老闆推介椒鹽通菜，我都叫左碟試下第一次試椒鹽通菜，幾好食，香口野椒鹽黃獅魚酥脆香口 ，但比較多骨西蘭花炒帶子蝦球，蝦球爽口大大粒花膠燉雞叫左每人一盅，略為淡味左少少最後食唔哂要打包😆下次帶家人朋友黎食😝

九龍城一定要試吓呢間小菜 ⭐️芝士龍蝦伊麵$490 超濃厚芝士汁包住每條麵醬汁落咗三種芝士 加牛油製成 勁黏稠掛汁真係落咗原隻龍蝦斬件 幾大隻 蝦肉鮮甜爽彈其他海鮮小菜都相當高質除此之外 佢哋海鮮小菜都相當高質⭐️招牌秘製羊架$48燒得啱啱好 最重要肉質粉嫩 幾juicy⭐️蒜蓉粉絲蒸大扇貝/蟶子皇$48幾鍾意佢哋⭐️蒜蓉粉絲蒸開邊蝦$168底下粉絲吸晒海鮮精華 超正⭐️蜆肉生菜包$128加咗大量蜆肉 肉碎 芹菜 辣椒蜆肉味勁香 可以包埋生菜一齊食口感豐富⭐️椒鹽粟米$88椒鹽幾惹味 粟米亦都有斬件易咬 好餸飯.#hkfunfoodrecord窮遊香港#hkfunfoodrecord_九龍城.#豪門小菜火鍋 (九龍城) @holmenhk @toeatrich_ 地址：九龍城衙前塱道22號地舖..#飲食 #美食 #hk #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #香港好去處 #鑽石山美食 #鑽石山必食 #黃大仙美食

一年前食過有驚喜，再次光臨估唔到嚴重失望而回，唔知係咪換咗老細。龍蝦伊面得兩三嚿細碎龍蝦肉，大部分都係殼同爪，芝士醬就有一大盤，但煮得濃稠芝士味欠奉。 所謂聖子王，祇有外面普通聖子size，而且唔係完整一隻，散碎碎的。椒鹽鮮魷只得一層外層脆皮，內裏魷魚只得一小片，如食空氣一樣，酥炸皮亦冇味。酥炸生蠔細細隻冇蠔味，賣相亦差。唯一瑤柱蛋白炒米叫做可以一吃，但份量太細。難怪星期六晚市都可以walk in就有枱。

精心炮製嘅豪門小菜，味道唔錯，亦都有特色但係蒜蓉蒸蝦，略嫌熟咗少少，有個咕嚕油炸鬼的確好味又有啲特別因為今次只係三個人食，所以叫嘅小菜唔多，下次可以多啲人再試多啲

大推！芝士龍蝦伊麵好正！🦞聽講豪門嘅芝士龍蝦伊麵好出名，聞名不如見面，試試佢！🫶🏻芝士鋪滿晒係伊麵上面，龍蝦新鮮得嚟啖啖肉，好滿足🦞！ 伊麵底都幾多，3-4個人食啱啱好呀！至於其他小菜都好出色，尤其椒鹽粟米好有驚喜，估唔到甜甜嘅粟米同椒鹽係咁夾😝～仲叫咗個啫啫生菜煲，蔬菜好新鮮，好味道呀！3個女仔食咗3碟餸，都好夠飽🥰～店員服務都幾好👍🏻 會介紹當造嘅菜式，亦會推介我地食咩好，啱晒選擇困難症嘅女人haha~~