影片
以上資料只供參考, 請與餐廳確認詳情
諗起九龍城唔一定只係得泰國菜想食鑊氣小炒亦都唔一定只有廟街九龍城衙前塱道、宋皇臺站B3出口行兩分鐘轉角就黎到呢間中菜館(推～！)全場目測一律食廣東鑊氣小炒！每道菜式價錢超級貼地兼且無加一服務費茶芥、抵食到癲叫得抵食唔係只講價錢啦碟碟都份量夠哂多又有鑊氣呢間廣東小炒都算係私心推介望大家多多幫襯～等佢繼續做落去～♡ .ᐟ.ᐟ .𖥧𖧧 芝麻炸子雞 $198/半隻必點呀！正過喺平時中式酒樓order嘅炸子雞雞皮炸得超香脆忍唔住清哂肉質更加唔使講嫩滑得來有雞味之餘仲好多汁配埋黑白芝麻賣相更加靚 ♡♡（注意而家出面食飯真係唔一定有雞味咖）.𖥧𖧧 菠蘿炸大腸 $118份量可謂不計成本第一大腸洗得乾淨好重要事前功夫準備充足兼衛生第二炸得香脆又唔油膩～配搭啤酒一流.𖥧𖧧 人生之路（咕嚕苦瓜） $88呢個又俾佢諗到喎咕嚕帶甜酸、加埋紅椒取其辣度苦瓜自然就係苦既代表一齊食百感交集～創意之作👍🏼💯.𖥧𖧧 椒鹽粟米 $88 細心之處來自每件粟米🌽大小非常適中粟米自帶甜味～能夠同椒鹽味配合得天衣無縫份量同樣值得稱讚.𖥧𖧧 千島醬蝦球 $148驚喜係有西蘭花墊底～仲有賣相㗎蝦球件件大大隻新鮮爽口千島醬份量啱啱好食落唔會怕肥膩如果有小朋友同行（估計好適合佢地）.𖥧𖧧 芝士龍蝦伊麵 $490餐廳表示呢道係招牌菜（而我內心表示道道菜式都出色都可以成為招牌）首先龍蝦份量好足夠爽口彈牙既肉質配上芝士增加嫩滑度配搭伊麵都係不二之選芝士汁多到make sure每啖都要芝味十足份量好多提議三四五位一齊食！.𖥧𖧧 潮式秘製螄蚶 $128雖然我就唔敢試RN表示好夠鮮味～仲係第一次自己即開即食！.𖥧𖧧 燒汁安格斯牛柳粒 $188 牛柳粒份量不少 略嫌比較肥美仲有好多西芹 炒起好有鑊氣我反而覺得最出色係超腍入晒味嘅薯仔💕.𖥧𖧧 雪花炒米粉 $98 黎得鑊氣小炒又點少得整番份炒米粉/豉油王炒麵雪花炒米粉個名幾特別原來係用蛋白、瑤柱絲炒炒得好乾身！咁啱餐廳都接近收爐多謝大廚炒埋我哋最後一碟嘅米粉 ෆ.九龍城以前俾人感覺交通唔方便但自從有咗港鐵到宋王臺站之後吸引咗好多人但大家焦點可能都係文青Cafe或者泰國菜如果細心留意就會發現好多寶藏餐廳等待你發掘
繼續閱讀
去九龍城唔一定要食泰菜今日等史努比介紹間大件夾抵食嘅港式小菜~懶人包📝食物款式多 而且大部份都唔錯雖然稱唔想話好正 但史努比試咗咁多款都冇話覺得伏 係偏油咗啲 不過呢個價錢ok收貨嘅😚嗌牆上面寫住嘅招牌菜都應該冇死架啦🤣加上佢唔使加一 食得舒服 好啱同一大班frd gathering或者同長輩食飯~個人覺得一試無妨😚🔥推薦芝士龍蝦伊麵👍🏿芝士龍蝦伊麵 $490份量好足😳4個人淨係食佢都夠飽😂芝士汁爆晒棚 仲要味道濃郁食落都幾黏口🤣同埋夠creamy 伊麵有𡁻口 唔會煮到淋晒要挑剔嘅係略嫌油咗啲啲🤏🏿龍蝦實肉彈牙 食到有少少甜味 正常發揮味道: 8/10性價比: 7.5/10👍🏿蟶子生菜包 $168都幾辣下 但真係好惹味🤣蟶子份量唔算特別多 有幾條完整嘅 有啲就剪碎咗撈埋免治豬肉去炒豬肉好淋 有油香食落味道幾香 有乾蔥增加口感不過如果冇芫荽就更加好😂同埋都係油咗少少 但包生菜就啱晒啦🤪味道: 7.5/10性價比: 7/10👍🏿豪門卷(8件) $98係炸包包住蝦咁樣 中間仲有啲蔥食落脆得來嚟帶啲煙靭 擺耐咗都唔會淋晒🤣👍🏿蝦就普通啦 包住啲蔥有香味另外配咗泰式甜辣醬 不過史努比覺得唔點好食啲味道: 7/10性價比: 7.5/10👍🏿千島百花盞鬼 $118呢個係油炸鬼包蝦😂炸得好脆 食到油炸鬼一層層layer但可惜食唔到油炸鬼本身嘅香氣包住蝦滑係幾得意嘅 加埋千島醬真係好鬼邪惡😈同埋好惹味!底下墊咗啲西蘭花 解解膩🤣味道: 7/10性價比: 7/10👌🏿椒鹽鮮魷 $128份量真係好足!!😳而且條條魷魚都勁大條食落仲要好彈牙 有咬口得嚟唔係硬佢個炸漿做到好薄 最可惜就係佢唔脆🥲搞到就算佢魷魚幾靚都即刻拉低咗個分但爸爸竟然話唔脆嘅椒鹽鮮魷好好食🤷🏿♀️味道: 6.5/10性價比: 7/10👌🏿人生之路(咕嚕苦瓜) $88唔明佢點解改呢個名 因為人生好苦🥹不過佢用咗酸酸甜甜嘅咕嚕肉做法😂所以真係體現人生嘅甜酸苦辣 個名史努比覺得改得好🤣🤣酸酸甜甜嘅炸苦瓜係幾得意嘅 但就唔係我哋杯茶🙂↕️感覺唔係咁夾味道: 6.5/10性價比: 7.5/10*不設加一服務費*整體評分：味道: 7.1/10環境: 7/10服務: 7/10衛生: 7.3/10抵食: 7.5/10(品牌合作分享)@snoopy._.eating
繼續閱讀
-豪門小菜火鍋 🍲天氣一轉涼就想去食大排檔食鑊氣小炒同羊腩煲位於九龍城衙前圍道有間好地道小炒店除左有手工家常菜之外 亦會有新派菜式 仲幾有驚喜!而且價錢親民貼地 無加一服務費同茶芥 份量好充足🐑羊腩煲 ($988/4-6人份)選用本地牛腩 大大舊 口感香腍爽口仲好入味 無乜味精 可以連湯都好飲 唔口渴 連埋其他配料如枝竹/ 脆嫩冬筍 / 爽口馬蹄 / 慈姑 / 腐皮 / 生菜再點埋檸檬草腐乳 個醬汁真心出色 大滿足!🐣雲吞雞煲翅 ($388)份量豐富 約有半隻鮮雞件 夠晒4個人食 肉質嫩滑肥美另外湯頭仲好濃郁 帶有啖啖奶香味仲有粒粒足料爆餡雲吞 食完夠晒暖胃✨🦞四式芝士西澳龍蝦伊麵 ($480/3-4位用）傳統芝士焗龍蝦伊麵既做法 並選用西澳龍蝦肉質飽滿細嫩 口感滑脆彈牙 加上配搭3種芝士同牛油特製成濃稠醬汁 連埋伊麵一齊食 掛汁得黎又帶點鹹香味🦐胡椒蝦 ($138)蝦肉隻隻都好大隻又新鮮 胡椒味夠多 岩晒重口味人士!🐟薑蔥爆鱔球 ($148)選用肥美白鱔 肉質彈牙 用薑葱爆炒 食落香口惹味🐟順德焗魚腸 ($88)焗魚腸都係第一次食 食落有d似蒸水蛋整體焗得幾乾身 所以魚味相當之重 如果本身食唔到魚既人應該就未必食得到🦪生醃螄蚶 ($98)之前係汕尾食過一次後有點怕怕係同行朋友極力推薦下 再度鼓氣勇氣去試呢度既的確係幾新鮮 爽嫩肥美 連埋蒜泥米醋食 更為鮮美🍚生炒糯米飯除左羊腩煲之外 冬天最中意就係食生炒糯米飯一上枱就已經香氣四溢 而且煮得口感軟糯又粒粒分明🦐自家製豪門卷 ($98/8件)係類似蝦多士咁 用麵包糠皮炸到香脆 而裏面塞滿手打蝦膠墨魚膠 食落彈牙 鮮美 蘸埋泰式酸辣醬食 完全唔油膩👻千島醬百花盞鬼 ($108)好特別創新既菜式 - 係以蝦膠釀入油炸鬼 點少少千島醬 食落酸酸甜甜又酥脆🥘人生之路 ($98) 必食!! 係餐廳老闆既自創菜式 - 咕嚕涼瓜因為食落酸甜後苦甘 猶如人生之路寫照爽口得黎唔怕苦澀 會忍唔住一條接一條咁食估唔到而家食個小炒都咁有深度~~
繼續閱讀
九龍城美食林立，最近就在一個幾具風味既地方開餐，叫做豪門小菜火鍋。幾個為食鬼，呢樣又想食嗰樣又想食，卻遠遠低估了呢度食物份量之大 (定高估了自己的食力?)，雖然已拼命地吃，最終仍好多嘢需要打包。小食的自家製豪門卷，相信是招牌了吧，麵包糠皮包裹著蝦膠及墨魚膠，香脆彈牙，層次豐富,有少少似蝦多士的影子。生菜包食過唔少，多數都係肉碎配點點辣椒就是，加入埋必粒蟶子都係第一次，又幾好，沒有畫蛇添足既感覺。點的半條豉汁蒸大鱔，還以為來錯了原條，好在水準夠高，新鮮彈牙又惹味，是全晚我最喜歡的菜式。半隻的秘製碌鵝，份量又係唔講得笑，趁熱呼呼吃一件，肉質緊致，好香口，底下仲有唔少粉嫩既芋頭，千萬不要錯過。芝士龍蝦伊麵上枱，巨得令大家目瞪口呆。好新鮮的龍蝦肉，鮮甜爽彈的，芝士撈伊麵呢啲邪惡嘢，其實真係無乜可能抗拒。但如果你係怕太漏既話，佢仲有上湯選擇。來這類地方，就算食菜都要揀些香口惹味的，吃小炒皇一定錯不了。雖則小炒皇的食材大同小異，不過每間店總有自己的特色與風味，呢度起碼夠香口，鐵膽的韭菜花、蝦乾及腰果也在陣，大大啖來一口，加枝啤酒，滿滿香港特色。
繼續閱讀
宋皇臺自從起左地鐵站之後方便左好多, 我間唔中都會嚟搵好野食, 今晚嚟到呢間好多人大推豪門小菜食飯, 餐廳未夠1900已經坐滿哂人, 每枱都叫左唔少野食, 相當熱鬧! 餐牌上有多款小菜, 樣樣都想試, 今次試唔到唯有下次再同屋企人嚟!✨️花膠魚翅燉雞 超足料嘅燉湯, 鮮味滋補, 咁岩當日天氣凍凍地好暖胃✨️冰鎮鮑魚 鮑魚本身已經好入味, 口感鮮爽彈牙, 可惜當日已經賣得7788, 想再叫已經無哂了, 想食記得要早d落定單先啊✨️蒜蓉粉絲蒸大扇貝扇貝大大隻, 超完整又厚肉, 上面鋪滿蒜蓉同粉絲, 超好味!!✨️豉椒炒蟶子王 超愛食蟶子王, 口感爽彈鮮甜, 加上惹味嘅豉椒汁, 令人食指大動✨️潮式秘製螄蚶 螄蚶咁耐以嚟都係食過兩三次, 第一次知道用鉗食, 店員好好咁示範比我地睇點樣開殼, 食落超鮮無異味, 送酒一流✨️啫啫芥蘭 食左咁多海鮮, 係要食番d煲仔菜, 一上枱香噴噴, 芥蘭鮮香爽脆, 加碗白飯正呀!✨️上湯龍蝦伊麵超大盤嘅龍蝦伊麵, 每年龍蝦肉爽彈入味, 伊麵掛上上湯汁, 好味又滿足
繼續閱讀
您可能會有興趣的...