影片
更多
2025-01-16
242 瀏覽
年尾開始多聚會，咁多人聚埋一齊真係好難諗食喵好！呢個又唔啱嗰個又唔啱，呢個又唔夠嗰個又太多🤣🤣所以一定係食放題自助餐，想叫咩食幾多都得。當然，年尾唔可以虧待自己，一定要食餐好，犒賞下自己！小編今次就嚟到有口碑保證嘅牛大人，叫咗佢嘅嘅新套餐，一於食盡佢！😁😁120分鐘日本A4黑毛和牛火鍋放題 正價時段成人$488 小童$34821:00-23:00入座 $4687:30前離座/23:00後入座 $448（包括加一服務費）(六日假期另加$10)湯：牛大人秘方麻辣湯好鍾意佢哋嘅湯底夠濃味，辣味啱啱好，麻香亦唔係就咁倒麻椒油嗰種唔自然嘅麻，而係用真正麻辣煲出嚟嘅香味。好多時唔使點醬都夠味～·火鍋料：日本A4黑毛和牛小編就係為試呢個而嚟，但上到枱仍然有啲嚇親，因為平時啲放題無論你叫幾貴，啲肉都係有啲岩岩巉巉。但呢度嗰啲真係俾返呢個價嘅嘢你，油花靚到好似雪花咁，而且厚薄適中，咬落去非常軟嫩，油香四溢。團聚聚會絕不失禮，牛大人果然係有品質保證～澳洲和牛M5牛肩卷A4和牛當然好食，但食多都會覺得膩，推介大家叫呢個換下口味。牛肩冇咁多脂肪，反而以肉味取勝，但又唔會過乾過韌。伊比利亞黑毛豬梅肉伊比利亞豬
120分鐘日本A4黑毛和牛火鍋放題
正價時段成人$488 小童$348
21:00-23:00入座 $468
7:30前離座/23:00後入座 $448
（包括加一服務費）(六日假期另加$10)
湯：
牛大人秘方麻辣湯
好鍾意佢哋嘅湯底夠濃味，辣味啱啱好，麻香亦唔係就咁倒麻椒油嗰種唔自然嘅麻，而係用真正麻辣煲出嚟嘅香味。好多時唔使點醬都夠味～·
火鍋料：
日本A4黑毛和牛
小編就係為試呢個而嚟，但上到枱仍然有啲嚇親，因為平時啲放題無論你叫幾貴，啲肉都係有啲岩岩巉巉。但呢度嗰啲真係俾返呢個價嘅嘢你，油花靚到好似雪花咁，而且厚薄適中，咬落去非常軟嫩，油香四溢。團聚聚會絕不失禮，牛大人果然係有品質保證～
澳洲和牛M5牛肩卷
A4和牛當然好食，但食多都會覺得膩，推介大家叫呢個換下口味。牛肩冇咁多脂肪，反而以肉味取勝，但又唔會過乾過韌。
伊比利亞黑毛豬梅肉
伊比利亞豬大家都識，環境好飼料優良，唔會有豬騷味，仍唔會過度催肥缺乏活動，令肥瘦不均。更何況佢係梅頭肉，肥瘦比例最靚。肉味較出又易咬。
海鮮拼盤
總有啲朋友特別鍾意海鮮，呢個餐啱晒佢哋。元貝同鮑魚夠晒大隻，鮮味十足。
澳洲M9和牛牛丸
牛味好香，而且唔會太硬太難咬，仲好多汁，推介～
仲有響鈴、墨魚滑、油炸鬼都係小編次次都會叫嘅火鍋料，大家記得試下。
小食：
同火鍋海鮮一樣，小食都繼續可以任食海鮮。最抵食一定係鮑魚三吃，包括古法醉鮑魚、炭燒鹽蔥鮑魚同柚子燒汁鮑魚，醉鮑酒香入味，鹽蔥同燒汁外層都係經炸過，口感豐富。不過小編分享一個食法，鹽蔥鮑魚拎去麻辣湯灼一灼，等個炸皮吸咗陣味都好正。
另外小編次次嚟牛大人都會食鹽酥雞同台式香腸，香腸配埋蒜片，夠正宗夠重口，正呀。
甜品：
牛大人依家同KITKAT聯乘，有得任食脆皮雪糕批，佢哋嘅脆皮有一粒粒KITKAT碎，朱古力香甜之餘，仲有少少威化餅嘅口感，口感好正！至於入面係威化味雪糕(?)，小編就唔係好聯想到，但奶味幾重，係略嫌甜咗少少。甜品仲有Movenpick、仙草等等，中西兼備，總有一個啱口味。
自助吧：
呢度嘅醬料、蔬菜要丸同飲品都係自助形式，蔬菜有好多唔同款，任君選擇。不過小編介紹大家試下叫（唔係拎）水蓮，水蓮係台灣特色蔬菜，非常爽口，不過有重太特嘅青味，值得一試。丸就推薦芋頭貢丸，真係有一粒粒芋頭，而且係粉的！好好食！飲品最正一定係佢哋嘅冷泡茶，小編最愛桂花烏龍，桂花超香，而且冷泡茶可以解膩，隨時再戰和牛！當然，佢哋都有汽水，亦可以落單叫手打檸檬茶同珍奶。兩個雖然唔算好好飲，但都可以止下手搖癮。
張貼
