影片
更多
2023-07-07
1349 瀏覽
✨香濃芝士牛油焗龍蝦係容龍嘅招牌菜 買左幾隻澳洲龍蝦試下佢芝士脆皮好厚 外脆口內偏濕 同龍蝦係分離 芝士味鹹香 但食兩啖就有啲膩龍蝦 有啲過熟 肉質差少少 但都爽彈味道鮮味 但就被芝士蓋過左 令人失望✨蒜茸粉絲蒸元貝海鮮檔叔叔推介 所左揀左蘇格蘭大元貝元貝上面只有一堆蒜茸粉絲 感覺求其只有單調蒜茸香味 冇落豉油提鮮但咁嘅調味屋企都整到 使鬼佢加工元貝 大大隻肉厚 鮮甜 爽口彈牙✨豉椒炒大蟶子豉椒味道幾香濃 炒得偏濕蟶子 輕微過熟 但都鮮甜爽脆 ✨薑蔥鮑魚煲上枱令人嘩一聲 唔係呀嘛🙄薑蔥少得可憐連最基本嘅配料都唔捨得落唔知最近薑蔥係咪好貴呢🤔幾乎食唔到有薑蔥香味 又冇煲氣😅大連鮑 大大隻 爽滑彈牙✨豉油王乾煎大蝦揀左大草蝦 因為當日海蝦冇乜選擇😂豉油王唔夠香 冇乜鮮味 味道亦唔夠勻食咗幾隻都唔同味有啲淡啲有啲濃味啲大草蝦 偏細隻鮮味唔算突出 都算爽甜✨清蒸海斑少人食魚 揀左條細杉斑清蒸只係放咗一堆蔥絲喺條魚上面蒸魚豉油少得可憐 完全冇提鮮作用清蒸都做到咁 真係令人無言杉斑 肉質都嫩滑 但感覺比較削個人就比較鍾意啲實淨口感嘅斑✨菠蘿咕嚕肉咕嚕肉酸甜味適中 肉質都可以 正常水平✨什菜煲加咗啲
✨香濃芝士牛油焗龍蝦係容龍嘅招牌菜 買左幾隻澳洲龍蝦試下佢
芝士脆皮好厚 外脆口內偏濕 同龍蝦係分離
芝士味鹹香 但食兩啖就有啲膩
龍蝦 有啲過熟 肉質差少少 但都爽彈
味道鮮味 但就被芝士蓋過左 令人失望
✨蒜茸粉絲蒸元貝
海鮮檔叔叔推介 所左揀左蘇格蘭大元貝
元貝上面只有一堆蒜茸粉絲 感覺求其
只有單調蒜茸香味 冇落豉油提鮮
但咁嘅調味屋企都整到 使鬼佢加工
元貝 大大隻肉厚 鮮甜 爽口彈牙
✨豉椒炒大蟶子
豉椒味道幾香濃 炒得偏濕
蟶子 輕微過熟 但都鮮甜爽脆
✨薑蔥鮑魚煲
上枱令人嘩一聲 唔係呀嘛🙄
薑蔥少得可憐連最基本嘅配料都唔捨得落
唔知最近薑蔥係咪好貴呢🤔
幾乎食唔到有薑蔥香味 又冇煲氣😅
大連鮑 大大隻 爽滑彈牙
✨豉油王乾煎大蝦
揀左大草蝦 因為當日海蝦冇乜選擇😂
豉油王唔夠香 冇乜鮮味 味道亦唔夠勻
食咗幾隻都唔同味有啲淡啲有啲濃味啲
大草蝦 偏細隻鮮味唔算突出 都算爽甜
✨清蒸海斑
少人食魚 揀左條細杉斑
清蒸只係放咗一堆蔥絲喺條魚上面
蒸魚豉油少得可憐 完全冇提鮮作用
清蒸都做到咁 真係令人無言
杉斑 肉質都嫩滑 但感覺比較削
個人就比較鍾意啲實淨口感嘅斑
✨菠蘿咕嚕肉
咕嚕肉酸甜味適中
肉質都可以 正常水平
✨什菜煲
加咗啲鮮魷 蝦乾 菇菌等
份量都唔少 調味淡 正常水平
✨原個椰皇鮮奶燉蛋白
椰皇幾大個 椰味清香突出
鮮奶燉蛋白嫩滑 唔錯
大家食完之後都表示
估唔到最好食竟然係個甜品😅
總結：海鮮係三聖市場買 酒樓只負責加工
煮法調味火喉冇樣得 各方面都令人失望
加工費都唔平 但質素就強差人意
但就連最基本薑蔥呢啲配料都唔捨得落
簡單講就係嘥晒我啲海鮮 真心差
另外小菜方面叫乜冇乜 乜都話要訂先有🙄
環境普通擺枱好密 空間感麻麻
服務一般 有待改善 人手明顯不足
加上職員好似乜都唔識做咁
搵幾個人落單 都話要等經理🙄
價錢還好 如果好食冇問題
但呢個質素就接受唔到 不值一試
張貼
