影片
更多
2023-03-07
315 瀏覽
一間餐廳俾人嘅第一印象，通常真係由等位嘅時候，門口出來迎接嘅侍應開始建立。好可惜，雖然我明白係晚市時間，但係眼見入邊有幾張枱啲客人已經走咗，然後阿姐仲要同我講無位，可能要等20分鐘，心中不免懷疑，佢係咪玩我？Anyway，等咗大約半個鐘，終於可以入座，但係一入座仲不斷聽到有foodpanda等等其他外賣平台嘅machine「刺耳落單聲音」，阿姐一副分身不暇咁樣，一時去接外賣單，一時過嚟催促我睇餐牌；嗰陣時啱啱坐低咗2分鐘，佢就走埋嚟講：「落唔落單啊，而家唔落有排冇得落，好多外賣單啊。」Anyway，最後落咗單，一碗麻辣牛肉手工麵，另一碗藥膳農場雞米線。先點評食物，前者其實湯底恰到好處，我嗌咗最細嗰隻辣，湯底濃郁，同啲手工面幾夾；至於藥膳湯底，同樣味道濃郁，雞件滑嫩，係啱啱熟透嘅最佳狀態👍🏻有啲雲耳紅棗，配合返佢個藥膳。食到中途，個口太辣想嗌支汽水飲，回頭一望，同阿姐講，佢企正喺我後邊，但係完全唔俾反應我，過咗2分鐘我再問佢，佢竟然話「得啦聽到，好多單啊好忙啊，轉頭啦轉頭啦」。總括而言，我覺得佢係一間比真正俾侍應「耽誤」咗嘅米線/麵店。坦白講，以阿姐嘅服務質素，喺2023年飲食業剛剛復甦
Anyway，等咗大約半個鐘，終於可以入座，但係一入座仲不斷聽到有foodpanda等等其他外賣平台嘅machine「刺耳落單聲音」，阿姐一副分身不暇咁樣，一時去接外賣單，一時過嚟催促我睇餐牌；嗰陣時啱啱坐低咗2分鐘，佢就走埋嚟講：「落唔落單啊，而家唔落有排冇得落，好多外賣單啊。」
Anyway，最後落咗單，一碗麻辣牛肉手工麵，另一碗藥膳農場雞米線。先點評食物，前者其實湯底恰到好處，我嗌咗最細嗰隻辣，湯底濃郁，同啲手工面幾夾；至於藥膳湯底，同樣味道濃郁，雞件滑嫩，係啱啱熟透嘅最佳狀態👍🏻有啲雲耳紅棗，配合返佢個藥膳。
香辣牛肉湯手工麵
31 瀏覽
0 讚好
0 留言
藥膳農場雞米線
34 瀏覽
0 讚好
0 留言
食到中途，個口太辣想嗌支汽水飲，回頭一望，同阿姐講，佢企正喺我後邊，但係完全唔俾反應我，過咗2分鐘我再問佢，佢竟然話「得啦聽到，好多單啊好忙啊，轉頭啦轉頭啦」。
總括而言，我覺得佢係一間比真正俾侍應「耽誤」咗嘅米線/麵店。坦白講，以阿姐嘅服務質素，喺2023年飲食業剛剛復甦嘅中環，難言合格，唔計佢中途講咗幾句粗口，雖然唔係對住我講，但係足以令人客或者遊客感到十分厭惡。
我衷心希望佢唔係家族式經營，有空間將呢一位四眼捲髮阿姨果斷裁掉，以挽救佢店舖嘅服務形象於垂危。補多一句，如果人手唔夠，有自知之明就唔應該接外賣單，待慢堂食嘅客人，然後雞手鴨腳咁樣，做又做唔切，客人叫又十問九唔應，此情此景不但令人倒胃口，而且十分丟臉。
喺「說好香港故事」論調大行其道嘅時代，呢間位於和安里嘅食店，位處蘭桂坊邊陲，理應是香港飲食業形象的前鋒。可惜有呢個阿姐作為害群之馬⋯⋯佢係呢個崗位難盡本分，應趁早另謀高就。
有佢喺度一日，我諗我唔會幫襯第二次。
張貼
