影片
更多
2023-12-29
954 瀏覽
食物味道、質素、擺盤確係唔錯，嘢係好食嘅，但整體成餐飯嘅體驗好差，直頭覺得浪費咗廚師嘅心機同廚藝，唔會再去。食咁多間中菜，無論貴定平都會有一兩碟餐前小吃，我地一班人到齊即時點菜，直至第一樣嘢上枱大概15–20分鐘，覺得就係爭咁d小吃𡁻吓。第一樣上菜係煙薰乳鴿，未夠5分鐘大家都未食完已經上第二樣花膠燕窩烏雞湯。絕對唔係食得慢/掛住傾計，只係隻鴿上枱時係熱㷫㷫真係要少少時間但都正常速度，食完隻鴿再飲個湯已經差唔多凍晒只係微暖，好失望因為湯應該要熱先好飲，絕對影響咗個美味程度。然後大家岩岩先開始飲湯，佢就已經上第三樣花膠鵝掌…. 雖然個湯唔熱但飲都要時間，當飲完個湯再食個花膠又係已經凍晒！令到碟嘢係有d腥….完全唔明點解要上得咁快，擺到成檯都係嘢，依家我唔係街坊酒樓食飯，係喺間較高級嘅中菜廳…食轉鵝掌佢就收碟同派返乾淨碟，但其中兩隻碟係污糟要換，有食物殘渣痴住！之後再上菜，先上咗一樣，咁我地話放去另一邊因為想老人家食先，侍應答話仲有嘢黎緊架然後就冇然後。以為係即刻有第二樣第三樣會上所以佢先ignore我地要求，但其實等咗起碼5分鐘以上先上第二樣….. 中間食到一個蟶子萵筍麵，叫服務員攞乾淨碗
食咁多間中菜，無論貴定平都會有一兩碟餐前小吃，我地一班人到齊即時點菜，直至第一樣嘢上枱大概15–20分鐘，覺得就係爭咁d小吃𡁻吓。
第一樣上菜係煙薰乳鴿，未夠5分鐘大家都未食完已經上第二樣花膠燕窩烏雞湯。絕對唔係食得慢/掛住傾計，只係隻鴿上枱時係熱㷫㷫真係要少少時間但都正常速度，食完隻鴿再飲個湯已經差唔多凍晒只係微暖，好失望因為湯應該要熱先好飲，絕對影響咗個美味程度。然後大家岩岩先開始飲湯，佢就已經上第三樣花膠鵝掌…. 雖然個湯唔熱但飲都要時間，當飲完個湯再食個花膠又係已經凍晒！令到碟嘢係有d腥….完全唔明點解要上得咁快，擺到成檯都係嘢，依家我唔係街坊酒樓食飯，係喺間較高級嘅中菜廳…
食轉鵝掌佢就收碟同派返乾淨碟，但其中兩隻碟係污糟要換，有食物殘渣痴住！之後再上菜，先上咗一樣，咁我地話放去另一邊因為想老人家食先，侍應答話仲有嘢黎緊架然後就冇然後。以為係即刻有第二樣第三樣會上所以佢先ignore我地要求，但其實等咗起碼5分鐘以上先上第二樣…..
中間食到一個蟶子萵筍麵，叫服務員攞乾淨碗比我地，我地9個人佢攞得7隻碗黎，其中一隻又係污糟…同佢講完佢竟然係直接收走但冇攞再攞返黎！？
最尾黎個泡飯，又係叫侍應比乾淨碗比我地（其實我覺得收得呢d價錢，呢啲咁基本嘅嘢唔應該要客提出啦，本身食緊個隻碗有其他餸嘅醬汁，都唔同味，有d common sense都識要比乾淨碗），佢攞黎之後攤開晒d碗以為會幫我哋分啦，點知佢擺低就走咗…. 再睇到其中一隻碗又係污糟！就算唔污糟個d都有水漬，根本成餐飯都好似食得唔安心咁，次次都有唔乾淨嘅碗碟。
唔係第一次食，但一定係最後一次。
張貼