Espresso Alchemy (海港城港威商場)

營業中

休息中

難得可以出黎食個飯，帶小朋友過嚟嘆下brunch 都唔錯，一直都幾鍾意呢間Cafe，除咗食物質素之外，每日款式都唔少，減肥嘅我可以食沙律，又有小朋友最愛嘅漢堡，大人小朋友都滿足到！煙三文魚沙律配檸檬醋醬～份量大大碟，沙律菜好新鮮，配上酸味味嘅檸檬醋醬好特別，入口fresh！煙三文魚卷成玫瑰花形狀，賣相仲好靚添！自家製香草牛肉漢堡伴黑松露沙律醬～漢堡材料豐富，Size夠晒高身，小朋友一見到就好開心😃要攞嚟食，牛肉漢堡差唔多兩cm厚，好有口感，入口鮮嫩有汁添😋呢個時間食，會配一杯Single Origin Brew Free，加$18又可以轉其他飲品，我哋揀咗宇治抹茶鮮奶和蜜糖青檸梳打，一人一杯，特別一讚呢杯是日咖啡，生酮宇治抹茶忌廉卷～表面灑上金箔，賣相即刻升級左，中間餡料忌廉，闊度足足有三吋，雖然忌廉比例上雖較蛋糕多，卻沒有甜膩感，香滑得入口即溶。