磯野水產

營業中

休息中

一坐底，店員就即刻送上前菜沙律。冰凍清甜既青瓜，配上咸香鯷魚醬，竟然意想不到地好食同夾。食到我地停唔到口。之於主食呢，一場嚟到，當然要試下佢地既活魚海鮮盛合啦！呢個盛合囊括左多款唔同種類既海鮮，仲要用多種烹調方法去處理，一次過試曬每樣海鮮既食法，岩曬我呢啲咩都想食又唔知點揀既人。第一樣先黎薄切池魚刺身。不單只擺盤賣相一絕，刺身清甜爽口，魚肉彈牙有咬口。一食就知係新鮮池魚。食完刺身之後師傳仲連魚骨都唔放過，將佢炸金黃香脆。成條魚一啲都無浪費到，值得一讚。池魚之外，仲有兩隻新鮮鮑魚。店員攞出黎個陣，鮑魚仲識得郁。今次既鮑魚就用左浜燒黎到煮，入味得黎唔會搶左鮑魚既味道，最緊要係唔會太老，肉質仲保持得到。至於海螺，就做左個清淡既海螺湯。用少少清酒昆布吊味，食返海螺本身既鮮。而且呢隻海螺好大隻，碗湯啖啖都有海螺肉，一流！蝦就當然係天婦羅啦！炸漿唔太厚，岩岩好薄薄一層係蝦身上面。炸既時間亦都岩岩好，蝦唔會老。直頭係蝦天婦羅既教科書！扇貝就用左磯燒方法整。店員會即場係枱傍燒。今次店員就做左兩隻味道比我地，分別係牛油蒜香，同黑松露牛油。兩隻味各有特色，牛油蒜香扇貝味重啲，黑松露就加深左扇貝既味道層次。