喺度做乜

營業中

休息中

女話要食肉，行過山林道，見到間幾靚嘅餐廳，係我鍾意嘅簡潔style，睇一睇餐牌，價錢合理，就入去食啦！叫咗2個set dinner,隨set dinner附上是日餐 湯、蒜香牛油包，餐湯係南瓜湯，清甜得黎仲有南瓜碎，好好味。🍴牛肋排蜜糖燒汁擺盆好靚，牛肋排肉質細嫩，而且蜜糖燒汁香甜提升到牛嘅鮮味，highlight個紫薯蓉，好香好甜好好味！忌廉野菌煙三文魚天使麵意粉索哂忌廉汁，超多菇做配菜，煙三文魚發揮正常。藍莓芝士餅，女女至愛，樣靚又creamy。另外餐廳每日都有唔同嘅一蚊加菜，今日喺一蚊加個芭菲杯，打咭一流，雖然1蚊但制作認真，非常抵食！