喺度做乜

營業中

休息中

Whats Up? 是我好友不時會講的口頭禪🤣嗰日經過山林道見到呢間餐廳，興之所致，忍唔住立即直入享用晚餐，十分開心😂😂。入座後，服務員就馬上送上焦糖爆谷，真的非常有特色😍已經好耐冇食過，令我有小驚喜。是日餐湯粟米濃湯，內有非常多粟米粒，有咬感得來帶微微甜味，搭配香脆的蒜蓉包，十分開胃。✨美國牛肋排配蜜糖燒汁✨ $188賣相吸引，兩條長長的牛肋骨陳列成一座小山丘。肉質滑嫩，搭配甜甜的蜜糖，非常滋味。下面襯托紫色的紫薯蓉，微甜且健康，令人又十分驚喜。✨明太子軟殼蟹意大利粉✨ $158軟殼蟹炸得香脆可口，意粉做到每條也很掛汁。他們的醬汁非常Creamy，充滿鹹香又惹味，食到舔舔脷。所有晚餐已包一杯$34飲品，$34以上只補差額就可以了。✨ 玫瑰烏龍茶✨$34✨抹茶鮮奶✨$45（補$9）玫瑰烏龍茶帶有玫瑰香氣，朋友甚是喜歡。抹茶鮮奶比想像中大杯，抹茶味濃，而甜度恰到好處，真的不錯。餐廳氣氛柔和，喜歡旺中帶靜的朋友，不要錯過。想睇更多介紹，馬上Follow我啦😁。#big_big_foodie #big_big_foodie食勻尖沙咀

尖沙咀山林道開咗間Café，餐廳名叫做「喺度做乜Whatsup Cafe」，好鬼馬吖，感覺牛角格餅係佢哋嘅招牌，因為喺小食、甜品嘅項目入面都會見到佢唧蹤影。*此餐廳收取加一服務費。明太子軟殼蟹意大利粉（單點$158），表面鋪有豆苗、香草，炸軟殼蟹口感外脆內軟，內有蟹膏，味道甘香，意粉口感軟硬適中，略嫌明太子醬份量少，令意粉食落比較乾身，配料包括有蘑菇、彩椒、蟹籽。蟹肉牛角格餅（單點$88），表面鋪有蟹籽、豆苗，忌廉蟹肉味道鮮甜，牛角格餅口感酥脆，食落充滿牛油香味，沙律菜包括有苦菊、紫椰菜，配以意大利黑醋食用，味道清新。手工洋蔥圈（單點$88），即叫即炸，口感鬆化，洋蔥味道清甜，配以美乃滋食用，味道更佳。是日餐湯（跟餐$0），粟米濃湯，好足料，內有大量粟米。是日餐包（跟餐$0），蒜蓉法包，表面鋪有香草、蒜蓉牛油，口感鬆脆，食落好香口。奶茶蛋糕（單點$48），表面鋪有果仁碎、海鹽焦糖糖漿、糖粉、朱古力醬，忌廉口感輕盈，奶味醇厚，蛋糕口感鬆軟、帶有茶葉籽，食落伯爵茶茶味濃香，略嫌奶茶味欠奉。焦糖爆谷（跟餐$0），表面鋪滿焦糖，口感香脆，味道香甜。折骨木蘋果梳打（跟餐$23），表面鋪有蘋果乾，

今日黎到佐敦，見到呢間cafe環境優雅，燈光柔和，營造出溫馨而浪漫的氛圍，就決定入去試下餐牌有好多選擇服務人員熱情周到，對每道菜品的介紹都十分細心，讓顧客感受到賓至如歸的感覺前菜-爆谷帶有微微的焦糖味，讓人一口接一口，十分開胃餐湯，蒜蓉包湯底濃郁，充滿了新鮮蔬菜的香氣，口感滑順，令人感到溫暖。搭配的蒜蓉包外脆內軟，蒜香味濃郁，輕輕一咬便能感受到香醇的黃油與蒜蓉的完美結合，讓人食指大動鵝肝多士鵝肝滑順細膩，醬汁的甜味與鹹味相互平衡，搭配的多士則是金黃酥脆，令人陶醉。每一口都帶來奢華的享受，讓人感受到高級料理的魅力澳洲M4和牛西冷配紅酒燒汁牛扒的油花分布均勻，外焦內嫩，咬下去時肉汁四溢，味道濃郁。紅酒燒汁的香氣讓整道菜更加豐富，每一口都令人陶醉，彷彿置身於高級餐廳的氛圍中玫瑰紅茶這道飲品香氣撲鼻，茶香與玫瑰花的芬芳相得益彰，讓人感到心曠神怡。飲用時的清新感為整頓餐點畫上了完美的句號，讓人倍感放鬆

今晚試了2人套餐剛剛坐低，先送上水和爆谷🌟是日餐湯南瓜湯濃郁，好好飲，配上熱辣辣蒜蓉包，外脆內軟🌟 蜜糖雞翼熱辣辣嘅炸雞翼，表面掃上蜜糖，雞翼賬卜卜，好味🌟蟹肉露筍鮮蝦松露忌廉意大利粉蟹肉鮮甜，蝦肉彈牙，配上松露忌廉醬，不會太膩，這個配搭剛剛好🌟頂級安格斯肉眼牛扒牛扒煎得剛剛熟，牛肉味濃，加少少鹽同黑椒更加好味。配上燒粟米，和紫番薯蓉，健康又美味🌟柚子梳打 + 折骨木蘋果梳打（含蝶豆花）清新而且不會太甜🌟柚子芝士蛋糕味道清新，加上小小的柚子，增加口感🌟綠茶芝士蛋糕綠茶配上芝士的濃郁，味道唔錯

同朋友附近打完保齡球後揾下餐廳食，點知好多都要排隊等位，可能因為happy friday，就隨便見到依間唔洗等位就試下！我地叫左二人套餐，加左個小食拼盆同烤豬手！二人套餐包括餐湯，白汁青口，香草青醬牛柳意粉，安格斯牛扒同甜品！小食拼盆入面佢話係香草腸，但黎到變左好似廚師腸。其他食品都不過不失，烤豬手都ok值得一讚係餐廳服務很好，服務員好熱情我地傾計傾到無睇時間都無趕我地走

今日去咗尖沙咀一間CP值極高嘅Cafe，400+就有full set二人套餐，真係抵食夾大件。最重要係每樣嘢都好好味😋首先，青口出場，鮮味十足，肉質鮮嫩，搭配清新的醬汁，令人食得津津有味。接住就係牛扒，煎得恰到好處，外脆內嫩，肉質多汁，真係一口咬下去就感受到肉香四溢。再嚟就係蟹肉露筍圾意粉，蟹肉新鮮，配上滑嫩嘅意粉，味道上乘，絕對係一個唔可以錯過嘅選擇。而飲品方面，熱抹茶牛奶香濃可口，完美解膩，凍嘅柳橙咖啡清新爽口，兩者都係一流除咗主菜，粟米忌廉湯配蒜蓉包亦非常出色，湯底滑順，蒜蓉包更係香脆可口，食完一碗仲想再加。甜品方面，朱古力芝士蛋糕濃郁，口感豐富，而提拉米蘇就係層次分明，咖啡味道撲鼻，甜而不膩。

早排去咗呢間Cafe度食飯，見到佢評價都唔錯，環境幾舒服，啱晒傾偈！🍴二人套餐唔使諗好方便，首先有熱辣辣嘅蒜蓉包加南瓜湯，南瓜湯都好香濃！至於頭盤就揀咗巴馬火腿沙律，好清新，加埋好開胃嘅黑醋汁🙌🏻主菜我哋就食頂級安格斯肉眼牛扒，牛扒，配菜又比較特別嘅紫薯蓉粟米秋葵等🥩套餐仲有一個意大利粉或者飯，我哋就食蟹肉蘆筍鮮蝦松露忌廉意大利粉，份量兩個人食都夠！套餐包兩杯$34嘢飲，我哋就每杯加$23，飲熱情果白土梳打同埋析木骨蘋果梳打都加$38升級咗香蕉朱古力窩夫，牛角包窩夫好食！

山林道嘅變化都幾大走一圈發現唔少餐廳結業有誠意嘅小店大家真係要多啲支持𝘚𝘵𝘢𝘳𝘵𝘦𝘳 / 𝘗𝘢𝘳𝘮𝘢 𝘩𝘢𝘮 𝘨𝘳𝘦𝘦𝘯 𝘴𝘢𝘭𝘢𝘥🥗𝘔𝘢𝘪𝘯 / 𝘏𝘰𝘮𝘦𝘮𝘢𝘥𝘦 𝘱𝘢𝘴𝘵𝘢 𝘸𝘪𝘵𝘩 𝘣𝘦𝘦𝘧 𝘧𝘪𝘭𝘭𝘦𝘵𝘴 𝘪𝘯 𝘱𝘦𝘴𝘵𝘰 𝘴𝘢𝘶𝘤𝘦 𝘔𝘢𝘪𝘯 / 𝘙𝘰𝘢𝘴𝘵𝘦𝘥 𝘐𝘣𝘦𝘳𝘪𝘤𝘰 𝘱𝘰𝘳𝘬 𝘸𝘪𝘵𝘩 𝘉𝘉𝘘 𝘴𝘢𝘶𝘤𝘦𝘋𝘦𝘴𝘴𝘦𝘳𝘵 / 𝘔𝘢𝘵𝘤𝘩𝘢 𝘤𝘩𝘦𝘦𝘴𝘦𝘤𝘢𝘬𝘦 & 𝘍𝘶𝘫𝘪 𝘢𝘱𝘱𝘭𝘦𝘴 𝘤𝘢𝘬𝘦二人set $438嘅價錢係幾抵deal四道菜都發揮正常意粉同甜品亦係自家製一整bowl沙律夠份量好夠誠意香草醬意粉嘅調味都算幾平衡燒𤤖略為半生熟牛柳舖滿面不過我個人覺得牛柳未入同青醬係最夾可以考慮有其他組合變化豬鞍唔係厚切所以肉質偏向軟稔肥瘦相間配BBQ醬幾夾有d似食𡁵short ribs豬香濃郁另外幾欣賞佢配菜有好多紫薯蓉甜品方面有好多款蛋糕選擇亦可以加錢轉做窩夫當日叫咗抹茶之士蛋糕同富士蘋果cake前者口感我幾like介乎New York同輕乳乳之間芝士味比抹茶突出

尖沙咀山林道有一間悠閑舒適🫧 玩味十足 性價比高的cafe 🫖Cafe 還會舉辦「啡跑」活動岩曬做完運動後🏃 可以聚腳吹水的好地方呢✨🥖蒜蓉包🫕餐湯口感香脆 香蒜惹味🧄配搭香滑的忌廉南瓜湯 🎃 是冬天最佳的暖身之選🔥🍝明太子軟殼蟹意大利粉軟殼蟹入口鬆脆 🦀 明太子甜中帶鹹 具有獨特的鮮香味口感柔滑 惹味清新 不會過膩🍝龍蝦白松露手工扁麵半隻龍蝦份量十足 鮮味十足面層滿舖烘得金黃微焦的芝士底下的白松露意外地濃烈菇菌香味突出🍄‍🟫 值得一試✨🥐x🧇抹茶蛋糕紅豆窩夫紅豆蓉🫘份量相當多入口綿密 飽滿香甜配上我最愛的croffle 夾著陣陣牛油香氣🧈口感鬆軟香口 邪惡滋味😈🫖Earl Grey Tea紅茶帶淡淡佛水柑果香清新解膩

嚟山林道按摩之後經過間Cafe樓底都幾高 坐得舒服Dinner set 仲好高性價比！包飲品餐湯同埋主菜-是日餐湯餐湯配埋蒜蓉包好有港味一啖湯一啖包最佳配搭-辣蒜片鮮蝦意大利粉天氣開始轉熱變得潮濕冇乜胃口呢個意粉辣辣地都幾開胃加上有好多隻大蝦爽口彈牙 鮮味十足-開心果燕麥奶咖啡淡淡嘅開心果味配合creamy燕麥奶每一樣味道都唔會蓋過對方再配埋比較nutty 嘅coffee base上面仲灑咗啲開心果碎三重滋味！

呢個環境氣氛好好感覺好舒服嘅西餐廳，首先員工服務態度好好，外圍仲可以坐下傾下偈。我叫咗明太子軟殼蟹意粉，呢個意粉比我想像中好食，個明太子汁配樂意粉到非常均勻又唔會好膩。西冷牛扒有肉汁，加埋紫薯蓉可以完全中和返淨係食肉嘅油膩，味道好夾。開心果咖啡我都係第一次飲，咖啡入面有堅果嘅油脂加埋咖啡嘅油脂配搭好好。熱情果白桃梳打，呢個飲品加咗蝶豆花淨係打卡都夠啦，味道唔會太甜，識中啱啱好。

今日又去尖沙咀揾食先，食過返尋味，今日再去食Whats up Cafe。一如以往同女食飯佢又係要必點有肉嘅餐滿足個食肉獸先。我地點左晚餐，餐湯係手打甘筍粟米忌廉湯配蒜蓉脆包。澳洲M4和牛西冷配紅酒燒汁， 和牛d油香真係唔同d, 而且牛有肉味，7成熟啱啱好。再要個明太子軟殼蟹意大利粉，軟殼蟹脆卜卜，炸很好好食，意粉拈滿明太子醬汁，仲有菇同洋蔥，口感豐富。仲包左2杯34元嘅飲品，同朋友或家人黎聚餐的確係很好嘅選擇。

過年最休閒，今晚就同friend在這間好有特色的cafe 見下面傾下計，真是好開心 ### 開心果麻薯牛角窩夫這個甜品的造型更加得意，加多了開心果粒、葡萄乾、榛子和脆筒，粒粒香脆，讓整體的口感更加豐富，創造出了一種全新的口感體驗！### 海鮮炒鳥冬這間cafe 令人驚喜不斷，除了美味的各式甜品和咖啡飲品，鐵板燒都做得相當出色。大大條柔軟的烏冬吸收了海鮮的鮮甜，嫩滑爽口，海鮮有蝦仁、魷魚和貝類，再加上洋蔥、青椒的搭配，讓整道菜品更加提味，讓人回味無窮！### 香蕉朱古力牛角窩夫牛角窩夫外層香脆中間粘糯，帶點咬勁，上面的朱古力雪糕漸漸融化，流淌的朱古力雪糕增添了窩夫的濃厚和細膩的口感！### 蜜糖雞翼蜜糖滲透到雞翼中，味道多層次，既有香脆又有甜蜜的滋味。### 曲奇慕絲蛋糕慕絲的口感輕盈柔滑，帶著香濃的曲奇味，真是無與倫比的享受！### 紅豆冰跟餐送，紅豆非常香甜甜蜜，椰漿牛奶的味道好醇厚！

到尖沙咀晚餐，餐廳的名字很特別，餐廳外的梳化椅亦非常吸睛。餐廳裝修簡潔清雅，有一排小小的吧枱，給人悠閒的感覺。白蘿蔔湯配多士湯底打得非常細緻，口感順滑，味道濃郁。白蘿蔔的鮮甜味很足，還有一粒粒的口感，配超脆蒜蓉多士片，一滑一脆，口感十足。明太子軟殼蟹意粉蟹肉嫩滑，外皮則香脆可口。明太子的濃郁味道與蟹肉的鮮味相互配合，每一口都覺得鮮甜，意粉亦十分彈牙，吃完後令人忍不住再想來一碟。黑椒蒜油豬柳意大利粉豬柳片切得剛好，黑椒的香氣撲鼻而來，搭配蒜油的味道，令整道菜很惹味香濃。豬柳嫩滑，嚼起來有嚼勁，與彈牙意粉非常夾。香蕉朱古力牛角窩夫牛角窩夫外脆內軟，香蕉甜而朱古力醬則十分濃郁，甜蜜而不膩，配上一大舊朱古力雪糕，十分好味！這餐廳除了名字特別，服務態度優良，食物也令人留下深刻印象。

🍿免費送小食，爆谷香脆嘅口感令人忍唔住一口接一口。雖然係小食，但都感受到用心嘅調味，好適合開胃！😋南瓜餐湯 🎃 南瓜湯絕對係秋冬必食嘅暖心之選！質地綿滑，濃郁南瓜香帶微甜，入口仲有少少香草嘅清香味，感覺非常舒服。仲有脆脆嘅麵包食，提升咗整體層次感，食完暖晒個心呀～🍂💛蘆筍茄仔雜菌香草醬意大利飯 🍚🍄 呢個意大利飯係今晚嘅驚喜之一！蘆筍同茄仔都煮得啱啱好，保持咗爽脆同甜美。雜菌嘅鮮味加埋香草醬嘅濃香，簡直係一場味道嘅協奏曲，每一啖都感受到地中海風情。💚🌿澳洲M4和牛西冷配紅酒燒汁 🥩🍷 最後當然係壓軸主菜！和牛煮得剛剛好，肉質鮮嫩多汁，入口即溶，真係無得輸。配搭嘅紅酒燒汁濃郁得嚟又唔會蓋過牛肉嘅香味，絕對係絕配！簡單但出色嘅演繹，令人回味無窮。🤤✨呢餐飯每一道菜都有佢嘅特色，從頭到尾都保持住高水準。係一個好適合同朋友或者家人聚餐嘅地方，值得再嚟！👏🔥喺度做乜 Whatsup cafe尖沙咀山林道3號地舖G/F, 3 Hillwood Road, Tsim Sha Tsui