喺度做乜

營業中

休息中

喺餐廳林立嘅山林道，有間價錢合理，嘢食又幾靚，仲唔會坐得好逼嘅cafe。“喺度做乜” (Whatsup Cafe)我冇寫錯餐廳名，佢真係叫”喺度做乜”😂。一入去，樓底高，餐枱有一定距離，已經可以加分。當然，通常有空間感餐廳，最後都係喺價錢上反映番，尤其呢度係市區中心。不過，一睇之下，好多嘢食價錢都幾合理。如果叫set dinner很多都只係賣百幾蚊，相當平民。不過，今晚胃口唔多，我哋選擇散叫，可以叫啲更特別嘅嘢食。Tiramisu Latte $68 - 呢杯咖啡，不，應該話作為甜品飲品，佢實在太出色。熱辣辣嘅奶泡，溫柔嘅咖啡味，用嚟點咖啡嘅餅乾，加埋一齊可以當係好有層次同滿足感嘅熱飲。鵝肝蒜香法包 $128 - 表面上128已經係正統餐廳價錢，但要留意佢有兩件，加上佢嘅鵝肝好厚身，其實我覺得都算抵食。至於外脆內軟呢啲，就理所當然，最重要係冇特登鋪層粉喺面。白松露惹菌忌廉配酥餅 $78 - 好啦冇乜胃口，諗住叫個小食，點知嚟到咁大份😂。結果我哋未上甜品已經飽晒。咁當然主要係白松露惹菌醬係好惹味，我哋自己食多咗😅，而酥餅都唔少嘢。開心果牛角窩夫(轉抹茶雪糕) $68 - 算啦，區區一個甜

估唔到今時今日都可以用一蚊就食到一件蛋糕，仲要係尖沙咀地舖，店家真係各出奇謀吸引香港人，大家真係要多多留港消費支持小店！🌖D8 香烤澳洲羊架拼德國腸配薄荷燒汁$218一碟有三件羊架，肉多肥膏少，羊羶味唔算重，如果可以配埋薄荷啫喱就Perfect；印象中嘅德國腸就係又粗又長，呢個德國腸竟然係幼幼短短，好在味道唔鹹，適合香港人口味👍🏻。🌖H 波士頓龍蝦（半隻）配白松露忌廉意大利飯＄168龍蝦超多膏，肉質結實唔會霉，略嫌有少少Over Cook；意大利飯偏熟，中間唔會有生米嘅感覺，忌廉汁唔會太漏，絕對可以輕鬆K.O.！🌖柚子沙冰 原價$57，跟餐-$34炎炎夏日沙冰絕對係好選擇，夠晒透心涼！而且柚子味道清新，夠曬refreshing，味道稍甜，減甜會更好～🌗London Fog 原價$45，跟餐-$34睇product name 唔知係乜黎所以問下店員，原來係伯爵茶鮮奶，一向都鍾情伯爵茶味咁梗係叫黎試下～伯爵茶味較淡，口味上似係入門級奶茶，就算晚飯時間飲都唔怕會訓唔著。🌖紐約芝士蛋糕 $1餅底厚薄適中，芝士層較平常嘅紐約芝士蛋糕軟，質感香滑，一蚊真係成本都唔夠cover，大家真係要多多支持小

行完街街 夜晚去咗尖沙咀食晚餐呢有個聖誕老人坐咗喺門口 好可愛唷而最吸引我 其實係佢哋個舖頭名喔為咗睇下可以喺度做乜 同皮組出發店內空間感好大 環境簡約而且舒服無論裝飾定配置 都好似家嘅感覺哇慢活 真係啱晒同朋友仔一齊聚聚舊啊 一坐低即刻就有甜甜哋嘅爆谷食仲有 搽咗牛油食落脆卜卜嘅蒜蓉包配埋個暖粒粒嘅南瓜湯唷 真係好正-牛肝菌啡菇飯 ($148)原隻啡菇喺個面度 真係好霸氣啊喂咬落口感豐富 仲好有營養價值添咖飯粒嘅軟硬度適中 且啡菇味濃郁啊而每粒都沾滿咗肉汁 食落特別飽滿-明太子軟殼蟹意粉 ($158)嘩嘩嘩 單睇賣相就已經流晒口水呢軟殼蟹比想像中嘅大 炸得好香脆喔意粉軟硬度適中 份量多啲就更加好每條都沾滿咗明太子 食落鹹香味濃-橙汁 (+$6)蘋果汁 (+$6)-奶茶蛋糕 ($48)茶味香濃 口感絲滑-紐約芝士蛋糕 ($48)口感香滑 奶香味濃

今日喺尖沙咀出動覓食去到山林道有間新餐廳見到餐廳名好盞鬼-喺度做乜於是入去食餐飯嘆下咖啡☕️ 前菜有巴馬火腿田園沙律🥗和一碗暖胃嘅粟米湯，配上香噴噴的蒜蓉包沙律選用巴馬火腿，搭配新鮮的火箭菜和成熟的蜜瓜，再淋上清爽的黑醋汁，整體口感清爽而不膩巴馬火腿的鹹香同蜜瓜甜味食落好夾粟米湯濃郁順滑，帶有淡淡的奶油香氣，入口好滑溜，口感細膩。外酥內軟的蒜蓉包，濃濃蒜蓉香，點啲粟米湯嚟食都幾滋味**蟹肉露筍鮮蝦松露忌廉意粉**大推🙌🏼蟹汁好濃郁鮮蝦大大隻蝦肉好鮮嫩意粉口感好彈牙，夠曬creamy唔錯呀🐷 燒烤醬西班牙黑毛豬鞍 叫咗7成熟肉得好軟淋，又Juicy 豬肉肉質幾鮮嫩多汁甜品係 柚子芝士淡淡柚子香食落好fresh 啱曬食後解膩Set 餐配2杯飲品

what‘s up? 來得佐敦西餐廳Cafe喺度做乜？食野咯🤣🤣餐廳晚餐幾抵食，有西湯（是日西湯係西蘭花🥦湯配多士。除左多士仲有爆谷🍿️送，配湯都好夾。個湯超好飲，將西蘭花打到好溶及很濃味。用超級脆既蒜蓉多士片送下湯，讚！［主菜］原隻軟殻蟹意粉🍝原隻軟殻蟹切開一舊舊，內面既蟹肉好嫩滑；外皮好香脆。濃味配軟身既拉粉，讚👍原條烤石班魚：原條都幾大條，味道👅 鹹香，魚質非常嫩滑。升級餐飲：抹茶🍵latte，顏色深綠色好濃味，聞落好香。 熱玫瑰🌹花茶淡淡地幾好味，中和返食物既油膩感

最近約朋友見面就嚟咗山林道呢間餐廳食飯，佈置溫馨，幾有聖誕氣氛，幾啱一路食嘢一路傾偈，店員都好友善。晚餐會有餐湯同埋蒜蓉包，特別想讚佢哋嘅蒜蓉包真係做得好香脆，而且夠惹味，好啱點湯食辣蒜片蝦意粉：呢一款意粉都幾惹味，唔會太油，而且辣得夠香，蒜味突出，蝦夠大隻，而且仲有少少菇西冷澳洲M4和牛西冷（250g） 配紅酒燒汁：我哋叫咗五成熟啱啱好，口感結實，牛肉味幾香，配上紅酒燒汁可以加添層次，另外仲有健康嘅配菜，覺得有驚喜嘅係用咗紫薯嘅薯蓉，略有少少甜叫晚餐仲可以配一杯$34嘅飲品，我哋就揀咗抹茶牛奶同朱古力，奶味都幾香濃，好啱凍嘅時候飲

尖沙咀山林道呢條美食街嘅餐廳多不勝數，有唔同種類嘅餐廳選擇，其中呢一間🌿What’s up Cafe🌿個名特別之餘，裏面嘅裝修簡單得來帶點精緻，呢度嘅佈置已經充滿咗聖誕氣氛啦🎅🏼，餐廳以西式為主，有各款唔同嘅晚餐，我哋就叫咗二人套餐，只係 $438/2咋，二人套餐包裝是日餐湯，蒜蓉法包，兩杯嘢飲，一個頭盤，一個意粉，一個主食同埋兩份甜品😆🐔:頭盤方面我哋就嗌咗四件嘅鹹蛋黃雞翼，即叫即整，嚟到嘅時候熱辣辣，外層有滿滿嘅鹹蛋黃包住😍，好濃郁嘅鹹蛋黃，又夠香，食落裏面嘅肉質超嫩🤤，仲有微微嘅肉汁添，一啲都唔求其嫁👍🏻🍝:麵食就叫咗蟹肉蘆筍鮮蝦松露忌廉意大利粉，就咁個賣相完全睇唔出份量都幾多，有四大件鮮蝦😍，新鮮彈牙，意粉嘅軟硬度適中，而松露忌廉醬都相當濃郁👍🏻，醬汁嘅份量剛好，食落又唔覺膩👏🏻🐮:到咗主菜就叫咗頂級安格斯肉眼牛扒，佢個賣相唔錯，伴碟方面有紫薯蓉同時蔬等，紫薯伴碟比較少有，相對飽肚之餘比較健康👍🏻，而肉眼扒為八成熟，肉味比較出，口感都唔錯😋，脂肪比例較少，幾乎啖啖肉，八成熟都唔覺韌😋🍰:最後甜品方面可以揀Menu裏面嘅精選蛋糕兩件，我哋就揀咗富士蘋果蛋糕同埋柚子芝士蛋糕，呢兩款

🎏 食盡油尖旺系列 — 喺度做乜？Cafe☕️👅➖➖➖➖➖太耐冇出動覓食，都唔知原來山林道有多咗啲新嘅cafe😮‍💨☕️ 齋睇個名就夠晒盞鬼，唔知喺度做緊乜/ 有乜做，就入去食餐飯hahaaa嘆吓咖啡🤣美味指數 😋: ⭐️⭐️⭐️ ~ ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🐮 美國牛肋排配蜜糖汁 $188肉排中規中矩啦，配搭蜜糖汁都幾惹味唔會搶咗牛味，反而驚喜位係佢個薯蓉居然係紫薯蓉，都幾新鮮😋🍚 露荀茄仔雜菌香草醬意大利飯 $138意大利飯相反有少許失望，佢煮得比較水少少，不過配料同埋份量都非常足夠，大大份其實好抵食🤫重點係佢係套餐本身已經跟南瓜湯湯同埋窩夫，佢個窩夫都幾出色烘熱咗都幾好食👏🏻 仲要佢跟餐特別有爆谷做餐前小食，再跟埋一杯嘢飲，性價比非常高🎊 ➖➖➖➖➖喺度做乜 (尖沙咀)尖沙咀山林道3號地舖

呢間cafe環境空間好大 坐得舒服 好岩同朋友吹水 我同朋友都傾左成3個鐘！餐廳已經開始有d Xmas 打卡位～個人覺兩人套餐比較抵食 但我地今次就叫dinner setDinner set 包左蒜蓉多士餐湯係蕃茄湯同飲品辣蒜片鮮蝦意粉 $158辣蒜片鮮蝦意粉都偏辣 唔食得辣的朋友就簡其他啦！鮮蝦都大大隻係不錯👍蒜香夠濃郁～美國牛肋棑配蜜糖燒汁 $188牛肉的油脂比例較重 蜜糖甜甜地 更似中式嘅煲仔骨 份量還好～配菜有粟米秋葵同埋蕃茄 薯角炸得好食！香濃朱古力（熱）抹茶牛奶（凍）如果飲品超過$34只需補回差價加一服務費

上次黎食過春雞好味道😍😍今次再約朋友黎試其他菜式！❤️❤️兩個人叫左兩個晚市套餐，當日係跟粟米湯，仲有蒜蓉包，蒜蓉包好香好脆好食😆😆主菜意粉唔錯，但肉就上次既春雞更好食啦，見到仲有好多款甜品同蛋糕，賣相都吸引呀，環境舒服👍🏻👍🏻我地傾左好耐計呀，店員好風趣友善！🥰🦀明太子軟殼蟹意粉 $158 晚市套餐跟飲品，餐湯及包軟殼蟹炸得岩岩好，香脆新鮮，每條意粉都沾滿明太子，味道岩岩好，唔錯！☺️🐮美國牛肋排配蜜糖汁 $188 晚市套餐跟飲品，餐湯及包推介意粉同春雞多D，呢款唔太特別🤣🤣

今日放早，約左朋友食晚餐今晚黎到位於山林道名叫係度做乜既cafe餐廳已經佈置左聖誕裝飾同聖誕樹非常有氣氛今晚叫左軟殼蟹明太子意大利麵同原條石斑魚原隻軟殼蟹炸到香脆明太子帶點鹹香整體味道好夾原條石斑魚肉質彈牙結實只係簡單調味非常鮮醬汁係泰式酸汁帶點泰式風味餐湯係粟米湯夠晒香滑蒜蓉包厚厚一片餐飲係伯爵茶夠芬芳仲可以半價品嚐蛋糕提拉米蘇苦苦既咖啡粉加埋甜甜既蛋糕配搭得非常好餐廳打造輕鬆愉快風格坐得相當舒服

放工約朋友嚟Whatsup cafe食餐好輕鬆下燒原條石斑 - 皮脆肉嫩，外皮黃金香脆，魚肉口感嫩滑，配酸酸辣辣嘅秘製香草汁好開胃，伴碟薯角炸得啱啱好，口感綿密，仲有西蘭花同椰菜花黑椒蒜油豬柳意大利粉 - 意粉有咬口，調味香濃，啖啖軟腍豬柳，食得好滋味餐湯係忌廉雜菜湯，滿滿嘅蘿蔔同粟米蓉，香滑得嚟口感有層次，蒜蓉包又熱又脆一凍一熱桂花烏龍茶，味道香醇解渴入去一坐低就有脆卜卜嘅爆谷無論套餐定單點，選擇都好多，款款都好吸引環境同氣氛好chill，又闊落又乾淨，好好坐，好啱嚟relax下

10月31日Halloween 緊係要去慶祝，行過經過見到尼間充滿節日氣氛既西餐廳，二話不說就入左去😬餐廳環境以木系設計，裝修帶點柔和，環境寬敞舒適👍🏻員工nice，主動介紹特色食物👍🏻適合情侶、朋友、家人聚餐、節日慶祝打卡既地方👭What‘s Up Cafe 二人套餐〔真心推介😋 〕$438DINNER SET FOR 2✔️ 是日餐湯 - 南瓜忌廉湯〔真心推介😋 〕👍🏻 香甜南瓜👍🏻 嫩滑配 蒜香法包 Garlic Bread 〔真心推介😋 〕👍🏻 香蒜味👍🏻 適合重口味人士✔️ 頭盤 - 鹹蛋黃雞翼- 4件 〔真心推介😋 〕Deep-fried Chicken Wings with egg Yolks👍🏻 外脆內軟👍🏻 惹味👍🏻 juicy多汁👍🏻 淡淡鹹蛋黃味✔️ 主菜 - 蟹肉露筍鮮蝦松露忌廉意大利粉〔真心推介😋 〕Spaghetti with Asparagus, Crab Meats & prawns in Truffle Cream Sauce👍🏻 掛汁👍🏻 海鮮新鮮👍🏻 creamy 👍🏻 賣相吸引👍🏻 份量多👍🏻 松露味道濃郁✔️主菜 - 頂級安格斯肉眼牛扒〔真心推介😋〕G

今日同朋友黎左一間文青路線既cafe, 環境設計簡約，坐得舒服。一坐低店員就送上開胃小食爆谷🤩我地叫左個二人餐⭐頭盤有蒜蓉包，外脆內軟，濃濃既蒜蓉香。 隨後既餐湯味道都很濃郁，佢地既餐湯唔係紅白湯，而係每日都唔同款好有誠意👍🏼前菜我地揀了鹹蛋黃雞翼好香濃鹹蛋黃 熱辣辣 好惹味😋主菜✨蟹肉露筍鮮蝦松露忌廉意大利粉好大碟份量好足，意粉煮到岩岩好，松露好香，配合埋蟹肉同蝦同個汁好夾好Creamy ，味道層次好豐富，不知不覺成碟食曬😋頂級安格斯肉眼牛扒✨我地嗌左5成熟，牛扒的火候控制得非常好，牛扒唔韌同燒得好香，肉味濃係尖沙咀區可以食到高質又咁性價比高既cafe，絕對值得大家黎試👍🏼👍🏼👍🏼

同朋友去咗尖沙咀一間西餐廳食，餐廳行大地色系文青風格，環境唔算好大但坐得幾舒服，同隔離枱唔會好近~店裏播住放鬆嘅café music, 成個氣氛休閒，好適合傾計同慢慢坐🙌🏻一坐低就一杯小食爆谷俾我地，太開胃，我地好快食曬🤓Dinner set包埋蒜蓉包、餐湯同飲品，性價比高！牛肝菌啡菇意大利飯好creamy，飯粒唔會過硬或者過軟！啡菇香味濃郁，整體清清地得黎又唔會好淡口☺️另一碟嗌咗魚，紫薯好好食，食魚唔會太heavy!