影片
更多
2023-01-30
1354 瀏覽
老友家住太和，知道大埔舊墟直街呢個鋪位礙於疫情，近年都轉過幾手，最近換上呢一家「阿三大牌檔」，話質素唔錯，性價比高，所以，一班單車友由大埔出發，踩車到大美督，再過新娘潭，落番鹿頸，然後兜沙頭角公路返粉嶺，回大埔，繞咗一個大圈，大概踩咗38公哩左右，之後，當然晌度食番餐好架啦，兼當喺開年飯，希望來年事事暢順，大家踩極都有。其實呢條街漸漸變成成條食街咁，平有平食，貴有貴食，豐儉由人。話大牌檔，但裝修沿用上家，似茶記多少少，當然，大牌檔之名主要喺將重點放番晌店家嘅小炒之上。店內地方都幾大，雖然裝修無咩特別，但最緊要喺乾淨企理，光猛整齊，坐得舒服，唔會唔自在咁。順帶一提，晌鋪面左邊，僻咗一角，喺動物友善區域嚟！翻翻餐牌，小炒種類非常之多，貼晒出嚟，唔花時間講喇。不過，溫馨一提，唔喺小菜套餐，叫飯、點飲品都另外計算，但就唔收加一服務費。餐具、糖包、牙簽……等等，就放晒晌枱邊，自由取用。蜜餞鱔球 $168呢個喺店員嘅推介，話喺新出品，問我哋有無興趣試，鱔球正吖，一於試試。每年白鱔都好大件，炸脆再配上啲黑醋蜜餞汁，食落去，啲鱔已好香口，又有油香，啖喺鱔肉，而個汁嘅酸味好沉實，唔嗆喉，帶有陣陣蜜香，大
話大牌檔，但裝修沿用上家，似茶記多少少，當然，大牌檔之名主要喺將重點放番晌店家嘅小炒之上。店內地方都幾大，雖然裝修無咩特別，但最緊要喺乾淨企理，光猛整齊，坐得舒服，唔會唔自在咁。順帶一提，晌鋪面左邊，僻咗一角，喺動物友善區域嚟！
翻翻餐牌，小炒種類非常之多，貼晒出嚟，唔花時間講喇。不過，溫馨一提，唔喺小菜套餐，叫飯、點飲品都另外計算，但就唔收加一服務費。
餐具、糖包、牙簽……等等，就放晒晌枱邊，自由取用。
蜜餞鱔球 $168呢個喺店員嘅推介，話喺新出品，問我哋有無興趣試，鱔球正吖，一於試試。每年白鱔都好大件，炸脆再配上啲黑醋蜜餞汁，食落去，啲鱔已好香口，又有油香，啖喺鱔肉，而個汁嘅酸味好沉實，唔嗆喉，帶有陣陣蜜香，大家都俾個讚呢道菜。
蜜餞鱔球
$168
114 瀏覽
0 讚好
0 留言
川味奇味雞煲 $88個煲甫上枱，打開蓋熱氣騰騰，非常吸引。雞件煮得入味，有種川菜嘅辣勁，但點到即止，而肉質比預期更嫩滑，一啲都唔嚡，加上啲雞大大件，叫人食得滿足，啲汁用嚟撈飯就更喺絕配。
魚香海皇豆腐煲 $108天寒地凍食煲仔菜感覺喺唔同啲，所以，追加多一客豆腐煲，熱焫焫，睇見到暖心窩啦。插幾棵西蘭花，即相賣相都靚仔啲，海皇包括鮮蝦球、魷魚、帶子，啲蝦球好爽彈，魷魚亦好軟腍，帶子夠鮮甜，但就得薄薄幾片，略嫌少咗啲；而豆腐好食，好嫩滑，充滿豆香。
魚香海皇豆腐煲
$108
31 瀏覽
0 讚好
0 留言
燒汁脆茄子 $78都要食多少少蔬菜嘢，呢個脆茄子既喺蔬菜類，又不失「脆」味。其實，喺「天婦羅」茄子，再淋上燒汁，睇落做法簡單，但茄子軟腍多汁，外層嘅脆漿做得又薄又脆，個燒汁校得香濃不膩，唔錯。
鹹魚蓉炒白菜仔 $78最後再補多少少纖維素，所以，炒個菜，想惹味啲就揀咗鹹魚蓉炒白菜仔，啲白菜仔幾嫩口，而用上鹹魚蓉就實香口惹味，不過，唔同人真喺口味會唔同，有老友話OK，有老友就話鹹咗啲。
凍檸茶 $18、熱奶茶 $16雖然唔包嘢飲，但老友們都叫番杯凍飲嚟解解辣，小弟都喺揀杯熱奶茶，茶底唔錯喎，芳香醇厚，算得上幼滑。順帶一提，白飯就$10碗，取價都算公道。
依家真正嘅港式大牌檔賣少見少，好多都已入鋪，但小炒依然夠鑊氣，喺大眾飯堂。雖然呢度環境一般般，但啲店員幾好招呼，又有禮貌，所食嘅菜式都好有水準，多謝老友嘅推介。
張貼
