影片
更多
2014-02-21
3890 瀏覽
一直都覺得團購都唔會有乜野好野食，所以被邀請時都有D唔係咁想去。雖然係咁，但係食物既質素絕對比我想像中好好多，如果平時叫餸食飯都有咁既質素就very good喇！涼拌茄子︰茄子十分新鮮，以致口感非常好，唔會好似坊間既涼菜咁一早整定晒，令到個茄子既皮過份硬身。而個sauce亦都十分惹味，令人胃口大開，非常開胃。四喜烤麩︰烤麩煮到非常腍，亦都非常入味，雖然有淡淡既鮮味，但係唔會鹹都乜咁淨係食到味精，正！蒜泥白肉︰白肉方面整體偏肥，成塊肉我諗有六七成以上都係肥肉。不過整體味道尚算OK，叫做不過不得啦！砂鍋醃篤鮮︰湯既味道偏淡，而D餸亦都好似浸左喺裏面好耐咁，「淡mou mou」冇乜味道！蔥爆牛肉︰非常惹味！牛肉唔單止腌到非常入味，而且肉身亦都十分腍、好容易入口，唯一要批評既係碟餸既牛肉比例好似實左太少喇！松子爐魚︰好一般，勉強只可以叫做average既水平，個sauce同埋魚既肉質都只可以叫做中規中矩。火腿津白︰津白做得非常好非常入味，食得出上湯既味道同埋金華火腿既肉味都滲入菜裏面。而金華火腿亦都十分惹味，只係份量好似少左D！老上海炒飯︰炒得唔錯，只可惜落油份量偏多，令到入口時成口油腍腍，再
涼拌茄子︰茄子十分新鮮，以致口感非常好，唔會好似坊間既涼菜咁一早整定晒，令到個茄子既皮過份硬身。而個sauce亦都十分惹味，令人胃口大開，非常開胃。
四喜烤麩︰烤麩煮到非常腍，亦都非常入味，雖然有淡淡既鮮味，但係唔會鹹都乜咁淨係食到味精，正！
蒜泥白肉︰白肉方面整體偏肥，成塊肉我諗有六七成以上都係肥肉。不過整體味道尚算OK，叫做不過不得啦！
砂鍋醃篤鮮︰湯既味道偏淡，而D餸亦都好似浸左喺裏面好耐咁，「淡mou mou」冇乜味道！
蔥爆牛肉︰非常惹味！牛肉唔單止腌到非常入味，而且肉身亦都十分腍、好容易入口，唯一要批評既係碟餸既牛肉比例好似實左太少喇！
松子爐魚︰好一般，勉強只可以叫做average既水平，個sauce同埋魚既肉質都只可以叫做中規中矩。
火腿津白︰津白做得非常好非常入味，食得出上湯既味道同埋金華火腿既肉味都滲入菜裏面。而金華火腿亦都十分惹味，只係份量好似少左D！
老上海炒飯︰炒得唔錯，只可惜落油份量偏多，令到入口時成口油腍腍，再加上落左冬菜調味既關係，令到D飯過鹹要扣分！
灌湯小籠包︰皮夠薄，非常juicy之餘包肉亦都算OK唔係太多粉，整體黎講叫做above average。
奶皇窩餅︰其實即係豆沙窩餅既derivative。因為用左奶皇令到口感有D唔同，相對豆沙無咁痴牙之餘亦都較為清淡冇咁容易食濟，令到平時唔係點食甜野既我都忍唔住食左幾件！Overall呢個團購餐絕對交足功課，4個人二百幾蚊有咁多野食真係抵到爛，下次有機會一定會再黎試下佢keep唔keep到食物既質素！
張貼
