窩子

營業中

休息中

平時比較少去新蒲崗捐窿捐罅～但係發覺搭小巴就去到!而且發覺附近其實都幾多美食！今次去依一間餐廳，以簡約的綠色牆身同木質傢俬為主，營造出懷舊冰室的氛圍，卻又以創新料理打破傳統框架。真心冇諗過佢啲嘢食都幾多驚喜。-意大利烘蛋🍳以厚實的蛋體為基底，混入新鮮蔬菜同香料，烘烤至外層微焦、內裡綿密濕潤。蛋香濃郁，口感有啲似西班牙蛋餅🥞-牛油烘法國麵包🥖叫咗烘蛋後可以加錢要法包😬 麵包外皮烤至金黃酥脆，牛油香氣好正，單吃已足夠誘人！-慢煮手撕豬腩窩夫三文治🥪估唔到已窩夫做底嘅三文治係鹹！入面有慢煮左12小時的豬腩肉，肉質軟嫩不柴而且絲絲分明，有啲似手撕雞🤣都有啲重口味! 好在搭配左融化的芝士、新鮮番茄與生菜，可以中和返，而且鹹甜交織的層次令人驚艷。-慢煮口水雞肉酥皮薄餅🍕佢哋薄餅全部都係自家烘的八吋酥皮！！！我第一次食酥皮薄餅！！！超級超級特別同好食🤤！！！以千層酥皮為基底，鋪上慢煮口水雞肉～辣度適中且肉質嫩滑，完全顛覆左我對薄餅的傳統想像。