鮨一 (厚福街)

營業中

休息中

今日好難得可以同男朋友出街食飯，梗係要搵間好餐廳食餐好嘅 😋 男朋友book咗呢間位於尖沙咀厚福街嘅「鮨一日本料理」，啱晒我心水！前菜我哋叫咗海葡萄番茄沙律，海葡萄非常多汁爽脆，咬開後鹹鹹哋嘅味道同本身酸酸甜甜嘅蕃茄非常之夾 👍🏻刺身我哋叫咗象拔蚌同石垣貝，兩者都好新鮮，象拔蚌仲帶有鮮甜嘅海水味 👍🏻壽司我哋叫咗穴子（即海鰻）壽司同大蝦天婦羅飯卷，大蝦天婦羅炸得香脆 👍🏻熟食方面我哋叫咗茶碗蒸、味噌煮牛舌同煙肉炒日本野菜，茶碗蒸好滑，牛舌嘅份量亦好多，食到我哋都非常滿足！