PHI Coffee & Pancake (卡佛大廈)

營業中

休息中

🌸特濃開心果迷上梳乎厘，熱辣辣嘅疏乎厘上面鋪滿開心果醬，厚厚嘅梳乎厘質感輕盈而又蓬鬆，充滿蛋香味！仲有大量cream同埋開心果仁脆粒，整體味道超夾，食到好濃郁嘅開心果味道，配埋開心果布甸！啱哂我呢個開心果迷🌸開心果帶子意粉，平時食意粉食得多，第一次意粉係配開心果醬汁，仲有少少開心果碎，好creamy，幾特別！配埋新鮮彈牙嘅帶子，唔錯！🌸漢堡扒全日早餐大大份都幾豐富！多士麵包軟綿又鬆化，漢堡扒充滿肉汁，唔會好乾身！煙肉都好香脆，牛油果好creamy配埋煙三文魚同埋沙律，一齊食都幾飽肚🌸開心果咖啡有厚厚嘅開心果奶蓋，仲有好多開心果粒喺入面，飲入口啖啖都充滿開心果同埋咖啡嘅香味，好飲！🌸羽衣甘藍沙冰入口整體味道都好fresh ,帶有少少甜味，清涼又解渴餐廳舒適寬敞，整體食物質素都好高，餐廳店員服務態度好友善，抵讚！啱晒同朋友嚟傾偈食飯