影片
更多
2023-12-07
75 瀏覽
啟德Airside 開左一段時間，終於有機會嚟，一場嚟到，當然搵間有特色嘅餐廳試吓。網上見有人推介位於3樓嘅「嵐月」，見到環境唔錯，食物有特色之餘質素又高，一於試吓啦。餐廳門口以綠色植物佈置，風格時尚，裡面環境優雅，隔住落地玻璃，仲可以望到新蒲崗，座位舒適，絕對適合同客戶及同事食飯嘅地方。食物方面，午市除咗有點心之外，仲有各式各樣嘅中菜。茶：呢度嘅茶錢比起一般中菜廳貴，要$28一位，不過茶葉嘅選擇都好多，除了常見嘅普洱、香片、鐵觀音、龍井、水仙、壽眉，仲有鳳凰單欉、碧螺春同金駿眉。我哋揀咗龍井茶，入口真係好香茶味，非常高質。胡椒龍蝦湯餃：胡椒龍蝦湯餃係佢哋嘅招牌菜之一，湯餃同湯分開裝，大家可以以個人口味，鍾意加幾多湯就幾多湯。湯餃大大隻，皮夠薄，裡面包著龍蝦肉，入口爽口之餘仲有豐富湯汁，配埋胡椒湯底，味道鮮甜，亦帶輕輕嘅胡椒味，簡直一流。橘子流沙包：奶黃流沙包平時就食得多，橘子流沙包都係第一次試，流沙包造型特別，顏色鮮艷，打卡一流。一啖咬開後仲爆出流沙，味道香甜仲帶輕輕嘅甘香味，包身軟綿綿帶點口感，整體配搭唔錯。嵐月西班牙黑豚叉燒：叉燒係佢地嘅另一道招牌菜，賣相晶凝通透，非常吸睛，除此
網上見有人推介位於3樓嘅「嵐月」，見到環境唔錯，食物有特色之餘質素又高，一於試吓啦。
餐廳門口以綠色植物佈置，風格時尚，裡面環境優雅，隔住落地玻璃，仲可以望到新蒲崗，座位舒適，絕對適合同客戶及同事食飯嘅地方。
食物方面，午市除咗有點心之外，仲有各式各樣嘅中菜。
茶：
呢度嘅茶錢比起一般中菜廳貴，要$28一位，不過茶葉嘅選擇都好多，除了常見嘅普洱、香片、鐵觀音、龍井、水仙、壽眉，仲有鳳凰單欉、碧螺春同金駿眉。我哋揀咗龍井茶，入口真係好香茶味，非常高質。
胡椒龍蝦湯餃：胡椒龍蝦湯餃係佢哋嘅招牌菜之一，湯餃同湯分開裝，大家可以以個人口味，鍾意加幾多湯就幾多湯。
湯餃大大隻，皮夠薄，裡面包著龍蝦肉，入口爽口之餘仲有豐富湯汁，配埋胡椒湯底，味道鮮甜，亦帶輕輕嘅胡椒味，簡直一流。
橘子流沙包：
奶黃流沙包平時就食得多，橘子流沙包都係第一次試，流沙包造型特別，顏色鮮艷，打卡一流。
一啖咬開後仲爆出流沙，味道香甜仲帶輕輕嘅甘香味，包身軟綿綿帶點口感，整體配搭唔錯。
嵐月西班牙黑豚叉燒：
叉燒係佢地嘅另一道招牌菜，賣相晶凝通透，非常吸睛，除此之外，肉質亦非常鬆化，肥瘦適中，一啲都唔係口，用特製醬汁烤過後非常入味，味道甜甜地，好好味，真係令人一口接一口咁食過不停。
桔柚黑鱈魚：
桔柚黑鱈魚另道菜擺盤好精美，好適合打卡，黑鱈魚外皮金黃香脆，魚肉鮮嫩， 配埋柑桔柚子醬汁 入口酸酸甜甜，非常開胃。
雖然價錢偏貴，但無論食物質素同埋環境都非常理想，係適合見客又或者同事相聚嘅好地方。
張貼
