WOWDON

營業中

休息中

今日同老best去咗最近好Hit嘅😆啟德WOWDON，我哋特登早啲去，🕛中午12點左右都要排隊，大約排咗20分鐘左右就入得去啦，不過之前睇社交平台話一定要開舖時間去，先有闊條烏冬賣，🥹原來係真㗎 ！嗰日去到闊條烏冬已經賣晒，想食闊條烏冬嘅朋友仔一定要去💪開舖嘅時間去！好好彩我哋坐近咗🎐窗邊嘅位置，如果天氣好嘅話望到🌤藍天白雲真係幾chill㗎。最後我哋嗌咗🍜天婦羅澆汁烏冬套餐，仲有炸雞澆汁烏冬套餐。🍤天婦羅澆汁烏冬套餐：烏冬上邊嘅汁味道有啲似🐟魚乾+壽喜燒嘅味道，甜甜鹹鹹咁，有啲天婦羅脆脆、蔥（個人口味可以唔要）、🤍白蘿蔔蓉仲有溫泉蛋。天婦羅有蝦、冬菇、南瓜同埋🫑青椒，每款各一件，味道正常發揮。🍗炸雞澆汁烏冬套餐：烏冬大致上都係一樣，炸雞外皮脆，有少少Juicy，有啲似平時居酒屋食到嘅炸雞，每份套餐都配有🌶泡菜一碟，我自己就幾鍾意食嘅。食評總結：🥢烏冬的確口感彈牙，🧂配嘅汁味道鹹鹹甜甜，的確係🩷我鍾意嘅口味，希望下次可以試到闊條烏冬🌪。