嵐橋日本料理

營業中

休息中

一個成日中伏嘅朋友話之前係尖沙咀食過間幾好嘅日本料理，要帶我去試下，即管睇下佢帶我食咩好西😏🔸養殖大拖羅 / 油甘魚腩 / 牡丹蝦刺身🔸粉色超厚大拖羅，魚肉紋理好靚冇咩筋，入口溶化出啖啖魚油香🤤油甘魚腩𠝹晒花賣相一流，同樣係魚腩部位，但肉質爽身😳牡丹蝦大大隻而且好鮮甜爽口，撈埋蝦頭膏食正到癲😍三款刺身都好新鮮👍🔸帆立貝壽司 / 深海池魚腩壽司🔸帆立貝超厚身，味道鮮甜✨深海池魚口感柔軟，好有魚味，配上赤醋飯壽司，更有層次感～🔸厚牛舌 / 蕯摩赤雞腎 / 田樂燒豆腐🔸燒物必選既燒牛舌🤤好有牛味，啖啖肉咬落好香口～赤雞腎好爽口，加上少少七味粉，辣辣地好過癮～個人最愛田樂燒豆腐，外脆內軟配上味噌醬，有d似臭豆腐食法，夠晒惹味😋🔸安格斯肉眼壽喜燒🔸牛肉選用安格斯肉眼，唔會太多脂肪而且唔韌有肉味🐂另外仲有冬菇、豆腐、金菇、半熟蛋、薯粉等，食材非常豐富，尤其蔬菜同薯粉吸滿壽喜燒汁，簡直無得頂！朋友今次無介紹錯，呢間日本餐廳食材高質，用料新鮮，而且食物款式多，實在一次試唔晒，搵次再encore去食其他野～