The BASE nature (已結業)

成日都想食排，但係荃灣好難搵到一間又好食又平嘅西餐廳，估唔到朋友介紹嘅呢間，個扒都唔錯，而家價錢都唔算太貴，性價比都高。👍👍餐廳位於荃灣廣場入面，有大約三分一嘅座位都係開放式，但係地方好大，坐得幾舒服。 餐廳係主要食牛扒，無論喺套餐，或者係單點，甚至乎有一頁係專門講食牛嘅部位。🐮🐮 所以我梗係要叫一叫個牛扒黎試。我哋叫咗個安格斯肉眼扒， 配岩鹽， 牛扒好嫩滑， 肉味好重， 而且熟度啱啱好，抵讚。另外值得推介嘅係呢度嘅米型粉， 米形粉可能唔知係咩，但係係類似通粉嘅， 配上呢度嘅松露醬， 每一啖都好重黑松露嘅味道。👍除咗西餐之外， 我哋都試左韓式炸雞翼，同埋三文魚配藜麥飯。 兩樣都唔錯， 特別係藜麥飯， 健康又好食。