影片
更多
2020-12-20
4713 瀏覽
18樓雞煲火鍋專門店，一聽呢個名一定唔會唔知呢間餐廳究竟係喺幾多樓。餐廳一共有兩間分店，一間喺荃灣，而令一間就喺旺角，兩間同時都開係18樓，可想而知老闆對餐廳個名係有一種莫名嘅堅持。因為知道佢喺旺角開咗新分店，所以即刻捉埋朋友一齊嚟食下，而且呢排天氣開始轉涼，又係時間開始打邊爐同食雞煲啦！因為我哋一早就已經book咗枱，所以基本上唔需要點樣等，一上到嚟餐廳就可以入座啦。餐廳入面每一張枱都有一樽湯底，等客人可以起食完雞煲之後自己加入湯底打邊爐。因為我同朋友都唔係好食得辣，所以雞煲揀咗微辣。而我哋都好滿意雞煲調校嘅辣度，真係啱啱好，連我朋友唔鍾意食花椒八角嘅都覺得好好食，而且啲雞肉好嫩滑，一啲都唔鞋，特別係雞皮吸晒啲汁，到咗到咗。我哋居然係搶食雞皮，因為實在太好食啦！食完雞煲我哋就開始打邊爐，呢間餐廳係用手機落單嘅，入面基本嘅打邊爐配料都好齊全，例如有蘿蔔、鮮蝦、肥牛、豬紅、魷魚、萵筍、冬瓜、魚滑、芋絲、羊肉、豆腐、魚肉等等⋯同埋外面有一個大雪櫃係裝住唔同種類嘅菜，菜嘅種類真係好齊全，分別有生菜、白菜仔、西洋菜、娃娃菜、油麥菜。打完邊路唔少得嘅梗係要食埋佢嘅雪糕，食
18樓雞煲火鍋專門店，一聽呢個名一定唔會唔知呢間餐廳究竟係喺幾多樓。餐廳一共有兩間分店，一間喺荃灣，而令一間就喺旺角，兩間同時都開係18樓，可想而知老闆對餐廳個名係有一種莫名嘅堅持。

因為知道佢喺旺角開咗新分店，所以即刻捉埋朋友一齊嚟食下，而且呢排天氣開始轉涼，又係時間開始打邊爐同食雞煲啦！
因為我哋一早就已經book咗枱，所以基本上唔需要點樣等，一上到嚟餐廳就可以入座啦。餐廳入面每一張枱都有一樽湯底，等客人可以起食完雞煲之後自己加入湯底打邊爐。
因為我同朋友都唔係好食得辣，所以雞煲揀咗微辣。而我哋都好滿意雞煲調校嘅辣度，真係啱啱好，連我朋友唔鍾意食花椒八角嘅都覺得好好食，而且啲雞肉好嫩滑，一啲都唔鞋，特別係雞皮吸晒啲汁，到咗到咗。我哋居然係搶食雞皮，因為實在太好食啦！
食完雞煲我哋就開始打邊爐，呢間餐廳係用手機落單嘅，入面基本嘅打邊爐配料都好齊全，例如有蘿蔔、鮮蝦、肥牛、豬紅、魷魚、萵筍、冬瓜、魚滑、芋絲、羊肉、豆腐、魚肉等等⋯
同埋外面有一個大雪櫃係裝住唔同種類嘅菜，菜嘅種類真係好齊全，分別有生菜、白菜仔、西洋菜、娃娃菜、油麥菜。
打完邊路唔少得嘅梗係要食埋佢嘅雪糕，食雪糕嗰時發生咗一樣蝦碌野，就係我朋友話點解個雪糕用得咁快嘅，然後發現因為我將杯雪糕放得太個爐，所以被越熱溶啦。
另外值得一提嘅係，呢間餐廳嘅裝修真係好特別，好似去咗舊香港咁。
張貼
