米走雞Deluxe (已搬遷) 新店位置

今日難得放假，就同一個兄弟去食芝士雞煲呢樣嘢我從未食過所以十分之期待。地理位置10分方便銅鑼灣一出地鐵站行7分鐘就到。係喺一座商業大廈入邊。座位與座位之間都好闊落而且裝修十分日式感覺。之後開始點餐首先點左一個芝士雞煲半隻，芝士雞煲嚟到之後比滿滿嘅芝士蓋過住成隻雞，望到已經流口水急不及待去試，之後把芝士同雞混合一起，雞件炒得好香，而且加上芝士簡直冇得彈而且份量都好多，仲有洋蔥芫荽等等配菜，之後開始點火鍋配料有手切肥牛，牛柏葉，響鈴，蔬菜，仲有我至愛嘅墨魚滑，肥牛大概淥1分鐘已經好入味而且脂肪比例好平均係我自己喜愛嘅肥牛，牛柏葉好爽口都係30秒就已經食得，之後有響鈴同蔬菜都係合格冇乜特別，而墨魚滑食落去爽口彈牙，而且好足料，而且呢度嘅服務質素都好好店員會不停為你添加湯底而且會為你講解用幾多分鐘去品嚐菜式。而飲品方便我哋叫咗罐可樂，下次一定會再試。