大本瀛日式放題

營業中

休息中

想同大家分享一间最近发现嘅日式放题餐厅，位於兆万10楼嘅放题，如果你想多唔同类型野食嘅话，可以黎试下～餐厅环境：首先，要讲嘅就系呢间餐厅嘅环境。呢到啲位置比起大集团嘅位会阔落啲，同埋全部都系梳化椅。员工嘅服务态度都非常好，好有礼貌，同时会主动关心你，例如有冇食物未到果啲，唔会你问问题觉得吾耐烦，通常都好有耐性回答。食物质素：然後我想讲嘅就系食物质素。呢间餐厅嘅野真系几好食，我特别推荐佢哋嘅寿司同刺身，新鲜同有创意，每一款寿司都有佢自己独特嘅风味。另外，佢哋嘅烧物同泰国菜都非常出色，每一样都值得一试，好似冬荫公同通菜等。如果你系甜品控嘅话，你就一定要试下佢哋嘅自家制木糠布丁，保证你唔会失望嘅！价钱：最後，我要讲嘅就系价钱。虽然日式放题餐厅嘅价钱通常都会比较高，但系我觉得呢间餐厅嘅价钱合理，同时考虑到佢哋嘅食物质素，环境，同服务，我觉得呢个价钱完全值得。如果你想试下日式放题，呢间餐厅绝对系你嘅首选。