鳳鳴居

營業中

休息中

個人比較鐘意幫襯同支持小店，經過呢間鋪頭見到有小量人龍，以我個人經驗，鋪頭多人排未必好食，但間鋪冇人氣的話，9成都唔方好食。等左大約15分鐘，終於到我地，入去見到佢雞麵都有好幾款選擇，其實應該要試醉雞，但個人實在太鐘意莞茜，頂唔住呢種誘惑，結果叫左個莞茜雞湯麵。個麵一到都有少少驚喜，鐘意食莞茜的人先會明，叫得莞茜麵要求唔係要多莞茜，而係要好多莞茜先夠，有次食某連鎖店的莞茜米線，3，4塊莞茜真係得淡笑，完全唔知道茜迷的要求。而呢間的份量就好足夠，講真，雞肉就平平無奇，但50幾蚊都唔會預新鮮雞肉，個鼓油我覺得非常唔錯，唔知點解上水一帶的雞麵檔的鼓油都偏向出色。可能同同業的良性競爭有關🤣。