四季煲仔飯

營業中

休息中

有個喺美國返嚟嘅朋友，諗住同佢聚一聚，問佢想食咩，佢竟然話想食煲仔飯。咁我就帶佢去呢一間四季煲仔飯。我好耐之前食過一次，今次再食希望佢唔會失水準，我叫咗個滑蛋牛肉飯， 佢就叫咗個鹹魚肉餅飯，另外我哋仲嗌咗一個通菜，估唔到佢個通菜份量都幾多，最重要係只需要廿幾蚊，真係覺得超級抵食。佢個滑蛋牛肉飯一上到嚟已經好吸引，係啱啱新鮮整起。佢個鹹魚肉餅飯都唔錯，其實唔係肉餅，係肉，但係味道都可以接受。我自己就鍾意食滑蛋牛肉飯多啲。焗一焗個底仲會有飯焦。Btw佢呢度好特別係畀咗錢先上菜嘅，不過唔緊要啦好食就得啦。