Muze Mozz (已結業)

太子有條街好多酒吧，間間望落去都差唔多，但唯獨是呢間特別多人，餐廳除咗提供酒，仲有一系列嘅西班牙菜，種類都好多好吸引😍北海道松葉蟹腳忌廉意粉，非常推介食呢個意粉，忌廉味好重好Juicy，蟹肉又好多，再加埋蘆筍，非常好味😋芝士拼盤: 佢有三種芝士，一種係普通芝士，一種係黑松露芝士，另一種係藍芝士，另外仲配餅乾仲有兩款ham，同埋藍梅，食落好飽，鍾意食芝士嘅記得點一份嚟配酒啦。蒜香蝦: 呢樣係西班牙比較出名嘅Tapas，我喺幾間餐廳食過嘅味都唔同，呢間就偏牛油味重啲，蒜蓉味都好重，食落好香好好味。cocktail：我哋試咗兩杯Cocktail，兩杯都好有特色，而且賣相一流，勁啱打卡。味道方面我更喜歡M York，少少甜，帶點熱情果同檸檬香味，易入口，好好飲。而earl grey martini就偏向茶味同檸檬嘅酸味，甜度比較低，賣相一流。餐廳環境服務都好好，唔怪之得平日夜晚都咁多人，好旺場，嘢食同走都好唔錯，下次會再去。