影片
更多
2018-08-28
105 瀏覽
蟹膏湯檬、香茅豬肉撈檬、米紙蝦卷係主打菜，可惜米紙蝦卷係晚巿限定，食晏就試咗春卷先啦。春卷熱辣辣兼香脆，零油膩，饀料多素少肉。醬汁帶點魚露的鹹，微辣，夠特別，令春卷更美味。香茅豬肉撈檬大大碗，肉量多，香茅味淺。檬粉有啲似米線，但比米線幼同爽口，唔會越食越滯，撈埋香葉、生菜、蘿蔔、青瓜同花生等配料一齊食，口感豐富。碗內已放咗撈檬汁，不妨先撈勻一轉試吓味，再決定要唔要加汁。估唔到蟹膏湯檬的份量比豬檬更大。湯，充滿蝦蟹的鮮美，番茄的清香，唔會越飲越口渴，略嫌個湯唔夠熱。香葉下面嘅蒸蛋，據網友講，蟹膏就喺蒸蛋入面。幾款餸之中，最喜歡依次係扎肉（同喺河內買返嚟的一樣味道）、豆卜（吸晒湯的精華）、豬紅（夠入味冇怪味）、蒸蛋同番茄。呢碗粉，適合兩三個人些牙食，咁先有更多胃空間試其他菜。芒果奶昔香濃得嚟唔死甜，椰青夠大隻、多水兼夠凍，刮埋椰青肉嚟食，多三分好味。食得開心的一餐，會再嚟試其他菜。不過呢，希望下次唔會再望到牆身有小昆蟲陪食。佢哋雖然冇飛埋嚟，依然好出眾喔。
春卷
15 瀏覽
0 讚好
0 留言
蟹膏湯檬、香茅豬肉撈檬、米紙蝦卷係主打菜，可惜米紙蝦卷係晚巿限定，食晏就試咗春卷先啦。春卷熱辣辣兼香脆，零油膩，饀料多素少肉。醬汁帶點魚露的鹹，微辣，夠特別，令春卷更美味。
香茅豬肉撈檬大大碗，肉量多，香茅味淺。檬粉有啲似米線，但比米線幼同爽口，唔會越食越滯，撈埋香葉、生菜、蘿蔔、青瓜同花生等配料一齊食，口感豐富。碗內已放咗撈檬汁，不妨先撈勻一轉試吓味，再決定要唔要加汁。
估唔到蟹膏湯檬的份量比豬檬更大。湯，充滿蝦蟹的鮮美，番茄的清香，唔會越飲越口渴，略嫌個湯唔夠熱。香葉下面嘅蒸蛋，據網友講，蟹膏就喺蒸蛋入面。幾款餸之中，最喜歡依次係扎肉（同喺河內買返嚟的一樣味道）、豆卜（吸晒湯的精華）、豬紅（夠入味冇怪味）、蒸蛋同番茄。呢碗粉，適合兩三個人些牙食，咁先有更多胃空間試其他菜。芒果奶昔香濃得嚟唔死甜，椰青夠大隻、多水兼夠凍，刮埋椰青肉嚟食，多三分好味。
食得開心的一餐，會再嚟試其他菜。不過呢，希望下次唔會再望到牆身有小昆蟲陪食。佢哋雖然冇飛埋嚟，依然好出眾喔。
張貼
