166
17
21
等級1
1
0
唔表
2024-05-19 238 瀏覽
係電視見到呢間生煎包，而媽咪好鍾意食生煎包，所以帶佢去試吓，上次見太多人排隊無去排，今日下午茶時間去到，排第一就等吓啦，排隊期間見好多人買外賣，一心諗住嘩應該好得。唉，希望越大，自然失望越大😞😞😞😞今日點了3個套餐 ，每個$54送豆漿一杯- 炸豬扒湯麵+1隻生煎包- 麻醬雞肉粉皮+ 2隻生煎包-12隻小雲吞 + 2隻生煎包先講生煎包話晒佢主打 ，生煎包內係有湯既咬開會爆汁，但一啲都唔鮮味唔甜無肉味 ， 個包皮太厚太硬，唔係好食既生煎包，媽媽極度失望炸豬扒湯麵，個湯無文無味，似滾水多個湯 ，個炸豬扒個麵包糠好脆，但個豬扒嚡熠熠，無肉味.12隻湯小雲吞，個滾水湯同個麵一皮田，啲小雲吞皮係硬架，梗本未淥透.成餐野最好既係麻醬雞肉粉皮 ，個麻醬夠香夠滑，個粉皮唔會有焊味，個粉皮唔會散開夠夾夠滑， 呢個比個讚😋😋😋豆漿係送既就算啦（都係送嚟），但正常係要+8，希望佢加錢係比一支唔係一小杯😂😂😂
更多
係電視見到呢間生煎包，而媽咪好鍾意食生煎包，所以帶佢去試吓，上次見太多人排隊無去排，今日下午茶時間去到，排第一就等吓啦，排隊期間見好多人買外賣，一心諗住嘩應該好得。

唉，希望越大，自然失望越大😞😞😞😞

今日點了3個套餐 ，每個$54送豆漿一杯

- 炸豬扒湯麵+1隻生煎包
- 麻醬雞肉粉皮+ 2隻生煎包
-12隻小雲吞 + 2隻生煎包

先講生煎包話晒佢主打 ，生煎包內係有湯既咬開會爆汁，但一啲都唔鮮味唔甜無肉味 ， 個包皮太厚太硬，唔係好食既生煎包，媽媽極度失望

炸豬扒湯麵，個湯無文無味，似滾水多個湯 ，個炸豬扒個麵包糠好脆，但個豬扒嚡熠熠，無肉味.

12隻湯小雲吞，個滾水湯同個麵一皮田，啲小雲吞皮係硬架，梗本未淥透.

成餐野最好既係麻醬雞肉粉皮 ，個麻醬夠香夠滑，個粉皮唔會有焊味，個粉皮唔會散開夠夾夠滑， 呢個比個讚😋😋😋

豆漿係送既就算啦（都係送嚟），但正常係要+8，希望佢加錢係比一支唔係一小杯😂😂😂

(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2024-05-19
    等候時間
    30 分鐘 (堂食)
    人均消費
    $54 (下午茶)
    推介美食
    • 麻醬雞絲粉皮