影片
更多
2017-04-28
1973 瀏覽
老闆請食飯無諗過係去喱間食蟹宴.因為一早就訂咗枱所以唔駛等位,一去到就入坐,waiter好有耐性每個餐介紹俾我哋,老闆請得梗係食最貴嗰嗰餐(每人都要14xx架),個餐每人連埋甜品都有11款.前菜:北海道海膽蟹肉粟米凍湯, 話明係凍都預咗,只係估唔到凍到似乳酪咁口感,只係食到粟米味,其他味都無咩.好細杯,用茶匙4-5啖就無晒.松葉蟹腳刺身: 超好食,好新鮮.但係每人得兩條腳趾,多一條都無.蒸松葉蟹及蟹膏: 蟹膏味超濃郁,超好味.不過係一個蟹殼4個人分,又係每人分1-2啖.燒鱈場蟹蟹腳: 又係得2條,不過好好味.松葉蟹蟹鉗及鱈場蟹蟹腳天婦羅: 嗰蛋超好食,其他就一般同平時天婦羅無咩分別.凍毛蟹: 又係4個人分一隻蟹,啲肉係熟,不過係凍,用蟹殼裡面啲膏一齊撈嚟食.就味道無刺身咁好食,不過不失鱈場蟹及松葉蟹腳火鍋+雜菜盤+蟹肉餃子: 4人分食, 有一隻蟹,一盆蔬菜,一碟餃子,自己shabu shabu, 都算好食,仲要好麻煩,其他菜式都係由waiter整好晒放起面前就食得,唯獨喱味就要自己嚟喇.雜燴粥: 用其中一個人shabu shabu完之後既鍋嚟煮粥,再加埋蟹膏一齊煮, wait
因為一早就訂咗枱所以唔駛等位,一去到就入坐,waiter好有耐性每個餐介紹俾我哋,老闆請得梗係食最貴嗰嗰餐(每人都要14xx架),個餐每人連埋甜品都有11款.
前菜:北海道海膽蟹肉粟米凍湯, 話明係凍都預咗,只係估唔到凍到似乳酪咁口感,只係食到粟米味,其他味都無咩.好細杯,用茶匙4-5啖就無晒.
松葉蟹腳刺身: 超好食,好新鮮.但係每人得兩條腳趾,多一條都無.
蒸松葉蟹及蟹膏: 蟹膏味超濃郁,超好味.不過係一個蟹殼4個人分,又係每人分1-2啖.
燒鱈場蟹蟹腳: 又係得2條,不過好好味.
燒鱈場蟹腳
59 瀏覽
0 讚好
0 留言
松葉蟹蟹鉗及鱈場蟹蟹腳天婦羅: 嗰蛋超好食,其他就一般同平時天婦羅無咩分別.
凍毛蟹: 又係4個人分一隻蟹,啲肉係熟,不過係凍,用蟹殼裡面啲膏一齊撈嚟食.就味道無刺身咁好食,不過不失
57 瀏覽
0 讚好
0 留言
77 瀏覽
0 讚好
0 留言
鱈場蟹及松葉蟹腳火鍋+雜菜盤+蟹肉餃子: 4人分食, 有一隻蟹,一盆蔬菜,一碟餃子,自己shabu shabu, 都算好食,仲要好麻煩,其他菜式都係由waiter整好晒放起面前就食得,唯獨喱味就要自己嚟喇.
雜燴粥: 用其中一個人shabu shabu完之後既鍋嚟煮粥,再加埋蟹膏一齊煮, waiter話咁樣粥嗰味道多層次啲, 仲可以分稠粥同稀粥2款, 2款都好味.係唯一一款好大碗.
甜品係一球雪葩,酸酸地,超好味.食完個口會無咁"漏".
全餐最好係服務,由前菜serve到最後,仲要每個菜教你點食,點啲咩汁最好.雖然每款菜都係少份量,但係都會飽,不過過1個鐘飽感就會無晒.雖然好食,但係只會試一次,唔太值.
張貼
