Baker by Lubuds

營業中

休息中

不嬲都幾鍾意食呢間嘅蛋撻，但奈何對我嚟講真係太遠，搭車都要成個幾鐘🥲今日咁啱喺附近做嘢，特登過嚟睇吓有冇蛋撻🤣本身見冇人排隊都以為蛋撻冇，諗住買個牛角包就算，竟然買完蛋撻都出爐，真係好彩🥰蛋撻今次又係買咗六隻，熱辣辣然後蛋撻皮好酥脆，但香味很濃，依然都係好好食🤤🤤🤤另外仲揀咗個牛角包係俾佢嘅外貌吸引咗，佢係焦糖牛角包，仲沈咗金粉喺焦糖餅上面，好吸引，打卡一流！💖牛角包入面有朱古力同埋焦糖醬，焦糖醬感覺有啲似拖肥，不過我覺得甜咗啲，成個牛角包嘅味道比較複雜，因為佢牛角包出面都有朱古力嘅脆皮，所以整體就比較甜，個人比較鍾意食甜，所以都覺得呢個包都幾好食，但係我諗普遍香港人應該覺得呢個牛角包太過甜。