祥仔 (K11購物藝術館)

營業中

休息中

早前同朋友去k11搵間平平地嘅地方食晚飯，見到呢間好似唔貴，於是坐低，我朋友叫咗個兩百幾元嘅晚餐，我諗住叫碟平平地嘅粉面，點知個餐一叫要叫兩位，仲要唔包嘢飲，為咗唔想令朋友尷尬，唯有叫兩份餐，點知個餐啲嘢求其到不堪，極度難食，最攞命嘅係等咗好耐個甜品都未上，最後同我講話賣哂，可以下次再嚟補番畀我。點補番畀我呀？係唔係特登嚟多一次乜都唔叫淨食個甜品呀？最後埋單5百幾元，冇甜品，冇嘢飲，同單叫兩個百零元嘅冇分別（其實仲衰過，因為真係好難食），服務又差，永不再幫襯！