火車頭越南餐室 (浣紗街)

營業中

休息中

唔掂！兩個人星期日諗住快快手食碗河粉。叫咗兩碗嘢，蟹肉蝦湯檬，一條蟹肉絲都冇，淨係得條假蟹柳同埋得一隻蝦，其餘都係加工魚餅。火車頭牛河，牛肉就夠生，不過超韌，湯底，一口味精。仲要一條芽菜都冇。埋單，因為唔過$300 ，所以唔收信用卡，只收現金，但係門口又唔寫明。平時已經好少帶現金，好彩今日有$500起身。找錢嘅時候，發現佢哋原來會自動四捨五入，淨係找返$250俾我哋。態度亦唔好。兩個人，唔肯俾張大啲嘅枱我哋，又唔係滿座，又唔多人。環境污糟。冇下次。