南國小喫

營業中

休息中

平時都好鐘意食車輪餅，要食都要係尖沙咀海港城至食到，一係就去美孚－車輛餅小姐， 見到fb話鑽石山有得食，即刻就去試， 間鋪外觀整得好靚，特別個照牌，整得好靚，有異國風味。 同場仲有其他香港既小食；燒賣魚蛋啊甘樣，又有撈麵，但我去既目的係食車輪餅，所以無試其他野，  叫左三個口味；（紅豆，紫薯，吉士）以上三種口味都係不過不失，因為味道上；出面既個外皮口，食落去好硬，唔香口完全無蛋香味，似食緊麵包。爆餡？我又唔覺佢有爆餡。比例正常真係要食，我會挑吉士，正正常常，另外個2種 真係痲痲地。另外值得一提， 宣傳就話即叫即整，我見既唔係甘囉， 師博預先整好曬，放係則邊，到客人甘岩點中喇，就整返熱佢，整返熱都算喇， 點知 到手既都只係少少熱，食落去又硬曬，甘唔怪得似食麵包啦。  我食第1次就算， 食第2次都係甘樣做法， 失望。 唔會再食。唔該唔好同人講即叫即整啦。