南國小喫

喂，大家好呀，我係個超級貪食嘅試食家，成日四圍搵好野食😋。今次嚟到呢間台灣小餐廳，試咗佢哋嘅招牌菜，簡直係味蕾大爆發！首先，鹽酥雞扒滷肉飯：雞扒炸得金黃脆卜卜，外層椒鹽香噴噴，咬落去汁水滿瀉，配埋滷肉飯嘅軟糯豬肉同埋蛋，油香四溢，一啖就停唔到！份量夠大，食完飽足感爆燈，價錢又親民，絕對係街頭必試🍗🍚。然後，椒鹽花枝丸：呢個丸子彈牙有嚼勁，花枝新鮮彈跳，灑上椒鹽同埋青蔥，辣辣地惹味，食落去海鮮味濃郁，唔油膩，配杯冰涼奶茶就完美😍。整體嚟講，呢間店環境乾淨，服務員超熱情，適合閒日嚟chill。少少缺點係高峰期要等位，但值得啦！…查看更多

今朝到鑽石山坐車去澳門，未夠鐘就在這店買腸粉燒賣同飲品。個女職員用個夾夾小枱上面的廁紙掉落垃圾桶，跟住將個夾用滾水淥一淥，隨即想夾燒賣俾我，我話咪住你個夾夾完垃圾，你仲用嚟夾燒賣俾我？點得㗎？女職員話我咪洗咗囉。我話點可以用個夾完垃圾個夾洗一洗就夾燒賣俾我？你自己都唔食啦？女職員即刻攞入廚房再洗一洗，同我講我已經洗咗啦，跟住我話洗咗都冇可能再個夾燒賣俾我，唔該你用簽嚟吉燒賣俾我，女職員好晦氣話我咪洗咗囉，跟住用竹籤拮燒賣俾我，我話你信唔信我拍低條片俾食環署睇啊？女職員好晦氣同我講而家咪用竹籤吉俾你囉。實在太恐怖，我想問如果我用個廁所板洗乾淨然後裝餸俾你哋你哋食唔食？女職員自己唔啱態度惡劣😡😡😡食物味道尚算可以。…查看更多

☞ 鑽石山 南國小喫 ☜ ———————————————香港少見嘅冷糕🤩———————————————◊ 滿满肉鬆冷糕 ◊外皮嘅邊邊香脆，中間就好似放大版雞蛋仔，煙煙韌韌又帶有淡淡蛋香，美中不足嘅係做唔到成個都外脆內軟。內餡擠咗沙律醬，再夾上大量肉鬆，食落味道豐富又啖啖肉鬆🙈美味程度: ㊣㊣㊣㊣/5———————————————📍:南國小喫鑽石山龍蟠街3號荷里活廣場地下G102B號舖#為食豬在鑽石山 #鑽石山美食#foodblog #冷糕 #甜品 #香港美食 #香港餐廳…查看更多

喺鑽石山搭直通巴🚍，一朝早唔知食咩好，經過呢個就買咗個早餐。朝頭早10:00 ，佢都好多人買，排隊都等咗一陣😬。態度冇話特別好或者唔好。見佢另外有撈麵餐，但唔想一朝早食太飽，咁就淨係嗌咗一個燒賣腸粉餐。$24餐，有一份腸粉，一份燒賣，超級多醬，叫咗走芝麻。另外跟餐仲可以揀嘢飲。腸粉來講，冇諗過都幾好食，因為睇個賣相，都係一般般，不過食到落口有幾好食。唔算特別平特別貴，但係呢邊搭車，係最快嘅選擇。…查看更多

上星期路過想試試夾餅，禮貌地問前枱中年女士，點知回覆是黑面+大聲回應（現在沒啊）這位大媽超級大媽沒品沒禮貌，再不會去買其他食物，當時也奇怪，點解沒客人買小食原來都是給大媽話過，寧愿去旁邊七仔買叮叮食，好過給人黑面…查看更多

平時有時都會去買下小食。鹽酥嘅野係好食。今日由姐姐變咗2個紋身𡃁仔就伏哂。成碗都係油，啲皮散哂完全唔係乾身嘅鹽酥杏包菇，完全冇味，啲油又浸住哂，超級難食，食左2舊掉咗。…查看更多

今天經過買了個下午茶（不包飲品）$37迷你碗仔翅+迷你滷肉肉飯+炸貢丸2粒。 想著其實好細碗，如果質數高也算罷。怎料回到家先發現是下層的碗上膠蓋爆裂，上面那個碗陷了下去。 碗仔翅一試更糟，打的芡十分杰， 像啫喱口感 ，料也不多。感覺他們是即將結業的質素。很久沒吃碗仔翅，很失望！其他一般啦，份量偏小。…查看更多

行開呢頭買衫 下午沒點食嘢 所以見到好多地道小食所以就試吓最後叫做一個生菜🥬魚肉生菜魚肉$24外賣拎走 係門口打左個卡 當時冇乜人好快就可以拎到 返到屋企發現個湯底淡淡地味精唔算多但係唔知點解個魚肉嘅味道有啲發酸總之就係怪怪地gar 味道 心諗係咪正常因為佢隻味有啲似加咗啲醋但係冇可能啲醋直接入到去個魚肉味道 整體黎講就係沒想像中咁好味 發酸令我覺得整個體驗不大好 間嘢之前都會有啲紅豆鍋餅嘅但係發現沒左 地道gar簡單小食生菜魚肉都發酸真是無法形容…查看更多

呢間小店位於荷里活廣場嘅地下，喺港鐵站嘅出口位置。主要賣港式傳統小食、糖水、另外都有啲新興食品好似吉士車輪餅、肉鬆冷糕等等。今次叫咗兩款小食。咖喱四寶$37六款餸可以任揀四款。我揀咗：-包括魚蛋六粒、豬紅四粒、豬皮四塊、牛柏葉四塊碗內裝滿咖喱醬汁，味道唔錯，少少辣。牛柏葉同豬皮索滿咗咖喱汁，係幾唔錯嘅。但係魚蛋就爭少少，唔係好彈牙。魚肉碗仔翅$26魚肉嘅做法同傳統有啲唔同，有啲似魚餅，口感有啲硬，我鍾意傳統嘅做法多啲。整體質素不過不失。…查看更多

南國小喫台式香腸滷肉飯($48) 2/10望到盒飯嘅時候已經深知不妙🧐🧐嘩佢啲滷肉汁稀到好似呀媽將用淨嘅洗頭水加咗三次水咁，仲要加完都係得個少少醬🤏小飯桶第一下望到個pat滷肉汁，仲問我做咩食咗一半汁，奴婢冤枉啊佢本身就係得咁少😵‍💫最慘係佢冬菇最出場次數仲多過滷肉，加埋小學飯餐先會更多嘅臭味椰菜，選擇放棄人生🥲台式鹽酥雞扒飯 ($46) 2/10呢個鹽酥雞扒飯又係另一個極致，睇樣已經feel到佢唔係酥脆，似係萬年油翻炸再翻炸⛽️點知食落仲出事，佢唔係鹹㗎，而係辣架🌶 成餐都係到懷疑自己食緊咩，真係出哂事👋🏻#南國小喫 (鑽石山)鑽石山龍蟠街3號荷里活廣場地下G102B號舖#ricebucket_鑽石山人均: HKD 40-50食物： 2/10回頭機率：0.5/10Ig @ricebucket_sis…查看更多

呢日經過鑽石山站，諗住係到轉巴士入西貢玩，餓餓地諗住求其買啲小食填下肚，點知發現呢間小食好多客～鐘意趁熱鬧既我走埋去到睇，見到佢有賣好多特別小食，其中最特別既一定係冷糕佢地既冷糕有好多味，我見好多人試原味，原味有啲似我地食開既格仔餅/夾餅而呢日我就間咗三重朱古力味，食落幾有驚喜，朱古力味幾濃，而且入面包左大量oreo曲奇碎，增添口感，食晒成個都幾飽肚下，建議大家可以買一份share黎食，廢事咁濟！…查看更多

上網有人介紹冷糕，睇完好想試下，潮州的特色小吃買少見少，剛好經過呢間南國小喫有得食😆除左冷糕系列，佢仲有賣豆花、碗仔翅、生菜魚肉、芋圓等除左有傳統冷糕，仲有不少新口味，三重朱古力、花生醬、肉鬆味等，價錢$19-$26一份，都唔平滿滿肉鬆冷糕 $26點完後店員就即整，係平底鑊上加上蛋漿焗熟，等左約5分鐘就有得食，聞落好似雞蛋仔，口感有點似格仔餅，外皮脆，入面軟綿綿😋肉鬆份量都不少，但加入沙律醬我就覺得有點格格不入，有點又鹹又甜既感覺🤨而食既時候都要小心餡料散開滿地，整體價錢上比較貴，我會想食返傳統味或者格仔餅就算🙈…查看更多

冷糕同香港地道小食格仔餅有d相似，餅皮夾砂糖、花生碎和芝麻，然後對摺成半圓形。趁熱食既時候，餅皮入口外脆內軟，蛋香十分濃郁，內餡甜。都好耐無見過有尼個小食，今日經過鑽石山就有幸試下啦尼間好好既系佢地會即叫即整，保證新鮮同熱辣辣個日落好大雨，食翻件真系好暖粒粒。佢d內餡有少少似糯米糍入面既餡料，好滿足！甜度岩岩好，蛋香都好足！…查看更多

從來沒有吃過這裏的小食，一次路過，偶然發現這裏有賣仙草芋圓，立即心心眼買來試試，味道出乎意料不錯芋圓、紫薯圓和地瓜圓都好好味，軟糯且有食材本身的香味，仙草滑溜得來甜了些，這裡的汁底是純花奶，所以會有點膩，但整體來說是頗出色的，值得一試:)…查看更多

南國小喫 (鑽石山)今日去鑽石山南蓮園池 入面建築物好靚 好似日本🇯🇵 一草一木 影相影到攰 走時買左個車輪餅食 好好味😋▫️吉士車輪餅$12台灣好常見車輪餅 係香港第一次食 想試試咩味道 熱辣辣嘅車輪餅有唔同味道 吉士、紅豆、紫薯等 我簡左最原始原味 攞上手熱辣辣 入面嘅餡好多 分量十足 咬落去甜甜地 吉士醬爆曬出嚟 加上好香濃 車輪餅外面脆脆地 唔錯呀 整體好味鑽石山龍蟠街3號荷里活廣場地下G102B號舖…查看更多