影片
更多
2011-02-23
41 瀏覽
此間被米芝蓮評爲三星食店，咪一有時間就同阿妹走去試囉，食完後，不外如事，唔去嘅話絕對冇乜損失，起碼荷包唔會大出血。服務方面，可能冇乜人客幫襯，平均每枱有二至三個侍應服侍，換碟都換咗十次，好聽啲就 話服務細心，衰嘅話，成晚講句說話都比人睇住哂，你話係咪好煩吖！！講回味道方面，詳細介紹如下：鴿皇二食(厨師把髀翼以椒鹽炸,鴿身起片炒,花功夫,但味道一般,好濃味,好鹹,唔係太啱我同阿妹食.火膧雞燉翅以雞湯同金華火腿同燉六小時,話就話比紅燒大鮑翅清淡,而且食唔出味精,但其實鬼死咁鹹,我都唔係好明,此店嘅魚翅出名在那裏呢?燒汁乾逼牛肋骨,肉質淋就淋,不過冇乜牛味,啲汁得個甜字,味道嘛嘛.厚翅群扣黑豚肉,此菜最不知所謂,黑豚肉似煲湯瘦肉,翅群一pat pat,睇見都唔開胃,味道當然一般啦!!荷葉飯size似珍珠雞,味道普通,隻蝦霉霉哋,好味極都有限.百花脆皮乳豬件,做法將蝦膠釀入乳豬皮,皮脆鬆化熱辣辣,食咗成餐最好味這個,不過一見起兩件止好了,事關其實幾油膩.最後又係甜品時間,甜品拼盤看似ok,其實好難食,仲有油臆味,我諗佢由下午放到晚上,食得出唔係新鮮整起,盛惠88蚊,記住唔好食呀!!
鴿皇二食(厨師把髀翼以椒鹽炸,鴿身起片炒,花功夫,但味道一般,好濃味,好鹹,唔係太啱我同阿妹食.
火膧雞燉翅以雞湯同金華火腿同燉六小時,話就話比紅燒大鮑翅清淡,而且食唔出味精,但其實鬼死咁鹹,我都唔係好明,此店嘅魚翅出名在那裏呢?
燒汁乾逼牛肋骨,肉質淋就淋,不過冇乜牛味,啲汁得個甜字,味道嘛嘛.
厚翅群扣黑豚肉,此菜最不知所謂,黑豚肉似煲湯瘦肉,翅群一pat pat,睇見都唔開胃,味道當然一般啦!!
荷葉飯size似珍珠雞,味道普通,隻蝦霉霉哋,好味極都有限.
百花脆皮乳豬件,做法將蝦膠釀入乳豬皮,皮脆鬆化熱辣辣,食咗成餐最好味這個,不過一見起兩件止好了,事關其實幾油膩.
最後又係甜品時間,甜品拼盤看似ok,其實好難食,仲有油臆味,我諗佢由下午放到晚上,食得出唔係新鮮整起,盛惠88蚊,記住唔好食呀!!
張貼
