影片
更多
2019-09-28
416 瀏覽
同女仔friend嚟呢度食dinner,之前因為喺instagram見到間餐廳好靚，就想試下，點知真係好貴好貴，比較適合特別日子慶祝。但都一場來到，就食下啦。黑豚肉叉燒 IBERICO PORK PRESA CHAR SIU ($255 per 120g)所有食物只要加上「黑豚肉」嘅光環，就可以身價漲幾倍，就好似加咗黑松露咁，就可以mark up多多$$. 呢個黑豚肉叉燒其實唔講真係唔知咁貴，出面好多高級少少嘅酒樓/粵菜都做得好食啲，爽啲，又平啲。呢個係比較腍滑嘅感覺，個人比較鍾意深色肉質爽口啲。不過成50蚊一舊，都同自己講話好食啦，一定唔值嫁啦。黑蒜白肉 SZECHUAN IBERICO PORK ROLLS, BLACK GARLIC ($80)呢個黑蒜白肉究竟同譚仔嘅$30蒜泥白肉有咩分別呢，就係份量細好多！佢係擺得幾精緻嘅，每舊白肉都用青瓜薄切片卷住，再疊羅漢咁搭咗個金字塔出來，底下就有辣油浸住，味道都幾辣，但都香口惹味嘅，價錢都尚算可以接受火燒桂花魚 POACHED CHINESE PERCH FILLET, SZECHUAN PEPPER BROTH ($360)算係成餐
黑豚肉叉燒 IBERICO PORK PRESA CHAR SIU ($255 per 120g)
所有食物只要加上「黑豚肉」嘅光環，就可以身價漲幾倍，就好似加咗黑松露咁，就可以mark up多多$$. 呢個黑豚肉叉燒其實唔講真係唔知咁貴，出面好多高級少少嘅酒樓/粵菜都做得好食啲，爽啲，又平啲。呢個係比較腍滑嘅感覺，個人比較鍾意深色肉質爽口啲。不過成50蚊一舊，都同自己講話好食啦，一定唔值嫁啦。
黑蒜白肉 SZECHUAN IBERICO PORK ROLLS, BLACK GARLIC ($80)呢個黑蒜白肉究竟同譚仔嘅$30蒜泥白肉有咩分別呢，就係份量細好多！佢係擺得幾精緻嘅，每舊白肉都用青瓜薄切片卷住，再疊羅漢咁搭咗個金字塔出來，底下就有辣油浸住，味道都幾辣，但都香口惹味嘅，價錢都尚算可以接受
火燒桂花魚 POACHED CHINESE PERCH FILLET, SZECHUAN PEPPER BROTH ($360)算係成餐飯比較有特色嘅一道菜，侍應將酒點著再倒上盤魚度，名副其實火燒魚，魚肉嫩滑，不過又係幾辣，最好就有碗飯送下啦。
松香翠炒飯 TRUFFLED RICE, EGG WHITE, SPINACH, PINE NUTS ($155)
呢碟炒飯真係冇乜嘢食，基本上就係蛋炒飯，黃都無，得蛋白。
石榴糕 GUAVA JELLY好少見有石榴嘅甜品，算係幾賞心悅目嘅一道菜。
基本上一人食三百幾蚊都係攝牙lar,之後都去左間pub食返啲窮人pub food先夠飽。
張貼
